ވޭތުވެ ދިޔަ އަހަރުގެ ސާފް ޗެމްޕިއަންޝިޕް ރާއްޖެ ހޯދުމުގައި މުހިއްމު ދައުރެއް އަދާ ކުރި ގައުމީ ޓީމުގެ މިޑްފީލްޑަރު ހުސެއިން ނިހާން (ނިހާޓް) މާޒިޔާއާ ގުޅިއްޖެއެވެ.
އުމުރުން 19 އަހަރުގައި ފުރަތަމަ ޑިވިޝަނަށް ކުޅޭން ފެށި ނިހާން ވޭތުވެ ދިޔަ އަހަރުތަކުގައި ވަނީ ރާއްޖޭގެ ބޮޑެތި ކުލަބުތަކަކަށް ކުޅެ ކޯޗުންގެ އިތުބާރު ހޯދައިފައެވެ. ގައުމީ ޓީމުގެ މިހާރުގެ ކޯޗު ޕީޓަ ސެގާޓް ކޯޗުކަމާ ހަވާލު ވުމަށް ފަހު ފުރަތަމަ ފަހަރަށް ނިހާންއަށް ގައުމީ ޓީމުން ޖާގަ ދިނުމުން އޭނާ ވަނީ މޮޅު ކުޅުމެއް ދައްކާފައެވެ.
އެގޮތުން ވޭތުވެ ދިޔަ އަހަރުގެ ސާފް ޗެމްޕިއަންޝިިޕުގެ ސެމީ ފައިނަލުގައާއި ފައިނަލުގައި ޓީމުގެ މެދުތެރެ ހިފެހެއްޓުމުގައި ނިހާން ވަނީ މޮޅު ކުޅުމެއް ދައްކައި ގިނަ ބައެއްގެ ތައުރީފް ވެސް ހޯދައިފައެވެ.
ވޭތުވެ ދިޔަ ސީޒަނުގައި ނިހާން ކުޅުނީ ވިކްޓަރީ ސްޕޯޓްސް ކުލަބަށެވެ. އޭގެ ކުރީން އޭނާ ވަނީ ކްލަބް އީގަލްސްގެ އިތުރުން ވެލެންސިއާއަށް ވެސް ކުޅެދީފައެވެ. އޭނާ މާޒިޔާއަށް ބަދަލުވެފައި ވަނީ ތިން އަހަރުގެ އެއްބަސްވުމެއްގެ ދަށުންނެވެ.
ލިޔުންތެރިޔާގެ ފުރަމަލަ
- ޢަލީ އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 11 ޖުލައި 2025ޚަބަރު”ކަނބުލޮ“ ފިލްމުގެ ޓިކެޓް ބުކްކުރަން ހުޅުވާލައިފި
- 11 ޖުލައި 2025ޚަބަރުލޯބިން…؟ ހާދަ ވަރެއް؟
- 8 އޭޕްރިލް 2025ޚަބަރު”ސޮރީ“ ގެ ރަސްމީ ޓްރެއިލާ މިރޭ ނެރެނީ!
- 7 އޭޕްރިލް 2025ޚަބަރު”ލޯބިން“ އަށް އައު މޫނުތަކެއް ހޯދުމަށް ހޮވެއްޔެއް!
