ރާއްޖޭގެ ފުރަތަމަ ސިޓިންރޫމް ކޮމެޑީ “ކަރުހަކުރު”ގެ ދެވަނަ ސީޒަންގައި މަޖާ އެޕިސޯޑްތަކެއް ގެނެސްދިނުމަށްފަހު ސީޒަން ބްރޭކަކަށް ހިނގައްޖެއެވެ. ދެވަނަ ސީޒަން ގެނެސްދީފައިވަނީ މަޝްހޫރު ބައެއް ސެލެބްރިޓީންވެސް ހިމަނައިގެންނެވެ.
“ކަރުހަކުރު”ގެ ދެވަނަ ސީޒަންގެ ފަހު އެޕިސޯޑު “ބޭބީ” ދައްކާފައިވަނީ ރޭގައެވެ. މި ސީޒަންގައި 12 އެޕިސޯޑް ދައްކާފައިވެއެވެ.
މުޙައްމަދު މުންތަސިރު (މުންކޮ)ގެ ކޮންސެޕްޓަކަށް، މަޙްދީ އަޙްމަދު ސްކްރީންޕްލޭ ލިޔަމުންދާ ”ކަރުހަކުރު“ގެ ތިންވަނަ ސީޒަން އެއް ގެނެސްދޭނެކަން ނުވަތަ ނޫންކަން އަދި ހާމަކޮށްފައެއް ނުވެއެވެ.
އޯކޭޒް އިންކް އާއި ބައިސްކޯފް އެޕް ގުޅިގެން އުފައްދަމުން އަންނަ “ކަރުހަކުރު” ޑައިރެކްޓް ކުރަނީ ތިއޭޓާ އާޓްގައި އިތުރު ތަޢާރަފަކަށް ބޭނުންނުވާނެ މުޙައްމަދު މުންތަސިރު (މުންކޮ) އެވެ.
“ކަރުހަކުރު” ސީރީޒް ގެ މައިގަނޑު ކާސްޓުނަކީ މަޝްހޫރު ލަވަކިއުންތެރިޔާ ލަމްހާ ލަތީފް (ލިއުޝާ)، މަޝްހޫރު ފިލްމީ ތަރި އަލީ އާޒިމް (ޒެކް)، ދިވެހި ބަހުގެ މާހިރު ޞާދުބޭގެ ހަގު ދަރިފުޅު ރައުފަތު ޞާދިޤު (ނާއިފް)، އައިޝަތު ޢަލީ (ލީޒާ) އާއި ޙުސައިން ނާޒިމް (ރަޝީދު) އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 17 މެއި 2024ޚަބަރު“ލަސްވިޔަސް” މާލޭ މޭޔޭރަށް ބަރާބަރު!
- 7 މެއި 2024ޚަބަރުމޯލްޑިވްސް ފިލްމު އެސޯސިއޭޝަންގެ ޗެއަރއަށް މުއާ
- 3 މެއި 2024ޚަބަރު“ބަވަތި” ވީޑިއޯކްލަބުން މިހާރު ބަލައިލެވޭނެ
- 30 އޭޕްރިލް 2024ރިޕޯޓްވޯލްނަޓް ކާންވީ ކީއްވެ؟
