ރާއްޖޭގައި ގިނަ ރިސޯޓުތަކެއް ހިންގާ މައިނަރ ހޮޓެލްސް ގްރޫޕުން ކޮވިޑަށް ޓެސްޓު ކުރާ ޕީސީއާރު މެޝިނަކާއި، ގާތްގަނޑަކަށް 400 ލީޓަރުގެ ހޭންޑް ސެނެޓައިޒަރ ރާއްޖެއަށް ހަދިޔާ ކޮށްފިއެވެ.
މިކަން ހާމަކުރަމުން އިކޮނޮމިކް މިނިސްޓްރީން ކޮށްފައިވާ ޓުވީޓެއްގައި ބުނެފައިވަނީ ކޮވިޑް-19 ގެ ބަލިމަޑުކަމާއި ދެކޮޅަށް މަސައްކަތްކުރަމުންދާ މި ދަނޑިވަޅުގައި މިއީ ރާއްޖެއަށް ވަރަށް ބޭނުންތެރި ތަކެތި ކަމަށެވެ. އަދި އެ ދީލަތި އެހީތެރިކަމަށް ޓަކައި، މައިނަރ ގުރޫޕަށް ޝުކުރު އަދާކުރައްވާ ކަމަށް އެ ޓްވީޓުގައި ވެއެވެ.
The Government of Maldives is very thankful to Minor Hotel Group for generously donating a PCR machine and 100 gallons of hand sanitizer, which are critical medical equipments required in the Maldives’ effort to combat the current COVID-19 pandemic.@AnantaraMaldive @faya_i
— Ministry of Economic Development and Trade (@MoEDmv) May 22, 2020
ދުނިޔޭގެ އެކި ހިސާބުތަކުގައި 500 އަށްވުރެން ގިނަ ހޮޓާތައް ހިންގާ ތައިލެންޑުގެ މައިނަރ ހޮޓެލްސް ގްރޫޕަކީ ރާއްޖޭގައި ވެސް ގިނަ ރިސޯޓުތަކެއް ހިންގާ ގުރޫޕެކެވެ. އެ ގުރޫޕުން ރާއްޖޭގައި ހިންގާ ރިސޯޓުތަކަކީ ނިޔާމަ ޕްރައިވެޓް އައިލެންޑް، އަނަންތަރާ ކިހާވަށް، އަނަންތަރާ ދިގު، ވެލި ރިސޯޓު އަދި ނަލަދޫ ޕްރައިވެޓް އައިލެންޑް ރިސޯޓެވެ.
