[avatar user=”[email protected]” size=”thumbnail” align=”left”]ލިޔުންތެރިކަމާއި، ވީޑިއޯ އަދި އޯޑިއޯ އާއި ގުޅުންހުރި މަސައްކަތްތަކަކީ ކުރާހިތުން ކުރާ މަސައްކަތެކެވެ.[/avatar]
ކޮލޮމްބޯ: ލޯބީގެ އަސަރު ގަދަ ވާހަކައެއްގެ ތެރެއިން ސިއްހީ ބޮޑު ބައްޔަކަށް އަމާޒުކޮށްގެން ހަދާފައިވާ ކްރިސްޓަލް އެންޓަރޓެއިންމެންޓް ފިލްމު ‘ބޮސް’ އަށް ސްރީ ލަންކާ ގައިވެސް ބޮޑު ތަރުހީބެއް ލިބެމުން އެބަދެއެެވެ.
މިމަހު 6 އަދި 7 ގައި ފިލްމު ‘ބޮސް’ ލަންކާ ގައި ދެއްކުމަށް ނިންމާފައި ވާއިރު، ފިލްމުގެ ޕްރޮޑިއުސަރ ފާތިމަތު ނަހުލާ މިރޭ ބުނީ ދެ ޝޯވް ގެ ޓިކެޓް ފުލްވެފައި ވުމުން ޝޯ އެއް އިތުރުކޮށްފައި ވާކަމަށެވެ. މަޢުލޫމާތު ލިބިފައިވާގޮތުން މިހާރު ވަނީ މެންދުރުފަގު 3:45 ގައި ފިލްމު ގެ އިތުރު ޝޯ އެއް ދެއްކުމަށް ނިންމާފަ އެވެ.
ކްރިސްޓަލް އެންޓަޓައިންމަންޓުން ހަދާފައިވާ “ބޮސް” ގެ ލީޑް ރޯލް ކުޅެފައި ވަނީ އަލަށް ތައާރަފުވި މުހައްމަދު ޔުނާންއާ އެކު މަރިޔަމް އައްޒަ އެވެ. އަދި ފިލްމްގެ ކާސްޓުންގެ ތެރޭގައި އިބްރާހީމް ޖިހާދު (ޖިމީ)، ފާތުމަތު އާޒިފާ (އަޒޫ)، އަލީ އާޒިމް (ދޮންއައްޔަ) އަދި އަލީ ޝަމީލް ހިމެނެ އެވެ. ފިލްމު ޑައިރެކްޓް ކޮށްފައިވަނީ ދާދިފަހުން ސާކް ފިލްމު އެވޯޑުން އެއްވަނަ ބަޠަލާގެ މަޤާމު ހޯދާފައިވާ ރިޝްމީ ރަމީޒް އެވެ.
