ބައިސްކޯފުން ގެނެސްދިން ކާމިޔާބު ވެބް ސީރީޒް ”އެހެނަސް”ގެ އެންމެ ފަހު އެޕިސޯޑް، ވަރުގަދަ ކުންނަކާއެކު ގެނެސްދީ ސީރީޒް ނިންމާާލައިފިއެވެ. ދެ ސީޒަނަކަށް ގެނެސްދިން މި ސީރީޒްގައި ހާމަނުކޮށް ހިފަހައްޓާފައިވާ ކަންތައްތަކެއް އެންމެ ފަހު އެޕިސޯޑުން ފެނިގެން ދިޔައިރު، ސީރީޒް ބަލަން އިންނަން ޖެހުނީ ނޭވާ ހިފަހައްޓާލައިގެންނެވެ.
ސީރީޒްގައި ހިފަހައްޓާފައިވާ ކުންނު ހާމަވެގެންދިޔައީ ފިލްމުގެ ލީޑް ފާތިމަތު ޝަރާ، މުޙައްމަދު ވިޝާލު، އައިޝަތު ރިޝްމީ، ޝީލާ ނަޖީބުގެ އަސަރުގަދަ މަންޒަރުތަކެއް ގެނެސްދީ ބެލުންތެރިން ރޮއްވައިލަމުންނެވެ.
ރަނޑު ފިރިހެން ކުއްޖެއްގެ ހަޔާތުގައި ދިމާވާ ޖިންސީ އަނިޔާ، ގެވެށި އަނިޔާ އަދި ގަނާކުރުން ދައްކުވައިދީ ދިވެހި މުޖުތަމައުގައި އަށަގެންފައިވާ، ނަމަވެސް މީގެ ކުރިން ފިލްމެއްގައި ދައްކާފައި ނުވާ މި ތަފާތު ކޮންސެޕްޓްގެ ވާހަކައަކީ ލިޔުންތެރިޔާ އަޙްމަދު އިޤްބާލް (އައިކިޔު)ގެ ވާހަކައަކަށް ޑައިރެކްޝަންގައި ދެވަނައެއް ނެތް ރަވީ ފާރޫޤް ޑައިރެކްޓްކޮށް ގެނެސްދިން ސީރީޒެކެވެ.
”އެހެނަސް“ ގެ ވަދާޢީ ޝޯ ބައިސްކޯފުން ދައްކާފައިވާއިރު، ސީރީޒްގެ މުޅި ޓީމަށްވެސް އެ އެޝޯ ދައްކާލާާފައިވެއެވެ.
މިއީ ހަމަ ކޮންމެހެންވެސް ބަލައިލަން ޖެހޭ ފަދަ މޮޅު ސީރީޒެއްކަަމަށް ބެލުންތެރިން އަންްނަނީ ފާާހަގަކުރަމުންނެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
