މަޝްހޫރު ދީނީ އިލްމުވެރިޔާ ޑރ. އަބޫ އަމީނާހް ބިލާލް ފިލިޕްސްގެ ސިއްހީ ހާލުކޮޅު ގޯސްވެ ހޮސްޕިޓަލްގައި އެޑްމިޓްކޮށްގެން ފަރުވާ ދެމުން އަންނަ ކަމަށް އޭނާގެ ފޭސްބުކް ޕޭޖާއި ޓްވިޓަރގައި ބުނެފިއެވެ.
ޓްވިޓަރގައި ބުނެފައިވަނީ ބިލާލް ފިލިޕްސްގެ ހާލުކޮޅު ގޯސްކޮށް އުޅޭތާ ދުވަސްކޮޅެއް ވެއްޖެކަމަށާއި އެޑްމިޓްކޮށްފައިވަނީ އިއްޔެގެ ވަގުތެއްގައި ކަމަށެވެ. ފޭސްބްކް ޕޭޖްގައި ބުނެފައިވަނީ ޑރ. ބިލާލް ފިލިޕްސްގެ ހާލުކޮޅު އަންނަނީ ރަނގަޅުވަމުން ކަމަށާއި މިއަދު ކޮވިޑް-19 އަށް ޓެސްޓްކުރާނެ ކަމަށެވެ.
“އޭނާ އޮންނެވީ އޮކްސިޖަން އާއި ގުލްކޯޒްގެ ސަޕޯޓްގައި.” ދީނަށް ގޮވައިލެއްވުމުގައި ގިނަ މަސައްކަތްތަކެއް ކުރައްވަމުން ގެންދަވާ ބިލާލް ފިލިޕްސްގެ ޓްވިޓަރގައި އިތުރަށް ބުނެފައިވެއެވެ.
ޑރ. ބިލާލް ފިލިޕްސްގެ އެޑްމިޓްކުރެވުނު ޚަބަރު ލިބުމުން ދުނިޔޭގެ ގިނަ ޢަދަދެއްގެ ދީނީ ޢިލްމުވެރިންނާއި ރާއްޖޭގެ ދީނީ ޢިލްމުވެރިންގެ އިތުރުން ގިނަ ބަޔަކު އަންނަނީ އަވަސް ޝިފާއެއް ބިލާލް އަށް މިންވަރުކުރެއްވުމަށް އެދި ހެޔޮ ދުޢާ ކުރަމުންނެވެ.
Dear respected viewers, followers and commentators. With a heavy heart we announce that our honorable Chancellor, Dr. Bilal Philips, has not been feeling well for some days now. He was admitted to the hospital yesterday. He is on oxygen support and glucose drip and improving.
— Dr. Bilal Philips (@DrBilalPhilips) October 16, 2020
