’މަދޮށިޕް‘ އާއި ޑައިރެކްޓަރު އަންދުގެ ފިލްމު ކުންފުނި ’ކުންނާރު ޕްރޮޑަކްޝަން‘ އާއި ސްކްރީން ރައިޓަރ އަހުމަދު ޒަރީރުގެ ’އެއް ކާފު ޕްރޮޑަކްޝަންސް‘ ގުޅިގެން ގެނެސްދިން އާއިލީ ޑްރާމާ ސްޓައިލްގެ ފިލްމު “ފަރީ”، އިންޑިއަން ފިލްމު ފެސްޓިވަލް އޮފް މެލްބަން ގައި ދައްކަން ނިންމައި ތާވަލް ކޮށްފިއެވެ.
ބައިސްކޯފް އެޕްގައި ސްޓްރީމް ކުރަމުން އަންނަ ފިލްމު “ފަރީ އަކީ ނުޒުހަތު ޝުއައިބް (ނުޒޫ)ގެ ވަރަށް ތަފާތު އެކްޓިންއެއް ފެނިގެންދާ ފިލްމެކެވެ. ފަރީގެ ރޯލުން ނުޒޫ ފެނިގެންދާއިރު، ފަރީގެ ބައިވެރިއެއްގެ ރޯލުން ފެނިގެންދާނީ ކުޅަދާނަ އެކްޓަރު އަދި ޑައިރެކްޓަރު ރަވީ ފާރޫޤް އެވެ. އިތުރު ތަރިންގެ ތެރޭގައި އަޙްމަދު އީސަ (އާނަންދު) އާއި ފައުޒިއްޔާ ހަސަން ފެނިގެންދާނެއެވެ. މީގެ އިތުރުން މުހައްމަދު ޔުނާން އާއި ތަސްނީމާ ވެސް މި ފިލްމުން ފެނިގެންދާނެ އެވެ.
އެކަނިވެރި މައެއްގެ ވާހަކަ ކިޔައިދޭ ފިލްމުު ”ފަރީ“ގެ ސްކްރިޕްޓް ލިޔެ ޑައިރެކްޓް ކުރީ އަލަށް ޑައިރެކްޝަނަށް ނުކުތް އަހުމަދު ހިޝާން ސައީދު (އަންދު) އެވެ.
އިންޑިއަން ފިލްމު ފެސްޓިވަލް އޮފް މެލްބަން 2021 ގައި ދެއްކުމަށް ހަމަޖެހިފައިވާ ފިލްމުތައް ދެއްކުމަށް ހަމަޖެހިފައިވަނީ މިމަހު 15 އިން 30ގެ ނިޔަލަށެވެ. މި ފެސްޓިވަލް ފެށުމުގެ ގޮތުން ދައްކަން ހަމަޖެހިފައިވަނީ ހިންދީ ފިލްމެއް ކަމަށްވާ “މަހާނަގަރް” (ބޮޑު ސިޓީ) އެވެ. މި ފެސްޓިވަލްގައި27 ބަހަކުން ހިމެެނޭ120 ފިލްމު ދެއްކުމަށް ހަމަޖެހިފައިވެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 7 މެއި 2024ޚަބަރުމޯލްޑިވްސް ފިލްމު އެސޯސިއޭޝަންގެ ޗެއަރއަށް މުއާ
- 3 މެއި 2024ޚަބަރު“ބަވަތި” ވީޑިއޯކްލަބުން މިހާރު ބަލައިލެވޭނެ
- 30 އޭޕްރިލް 2024ރިޕޯޓްވޯލްނަޓް ކާންވީ ކީއްވެ؟
- 30 އޭޕްރިލް 2024ޚަބަރުއެމްއެފްއޭގެ ޗެއަރޕާރސަންގެ މަގާމަށް ކުރިމަތިލުމަށް ހުޅުވާލައިފި
