“ހުވާ” އަދި “40 ޕްލަސް” ފަދަ އުފެއްދުންތަކުން ބޮޑު މަޤުބޫލުކަމެއް ހޯދި އިރުފާނާ އިބްރާހީމް (އެރޫ) ކައިވެނިކޮށްފިއެވެ. އިއްޔެގެ ވަގުތެއްގައި އެރޫގެ ކައިވެނި ކުރެވުނުއިރު މަޢުލޫމާތު ލިބޭ ގޮތުގައި އޭނާ ކައިވެނިކުރީ ގދ. ތިނަދޫ މީހަކާއެވެ.
މޮޑެލް ކުރުމުގައިވެސް ހަރަކާތްތެރިވި އެރޫގެ ފާހަގަކޮށްލެވޭ މަސައްކަތްތަކުގެ ތެރޭގައި “ހުވާ”، “40 ޕްލަސް” އަދި “ކާކު” ހިމެނެއެވެ. އޭނާގެ ރިލީޒްނުވާ ދެ ފިލްމެއްވެސް އެބައޮތެވެ. އެއީ މީޑިއާނެޓްގެ މަލްޓި ސްކްރީނުގައި ރިލީޒްކުރަން ތައްޔާރުވަމުން އަންނަ “ހެހެސް” އާއި ޢަލީ ސީޒަންގެ “ލޯބި ވެވިއްޖެ” އެވެ.
ފިލްމީ ދާއިރާއާއި ވަރަށް ދުރުވެފައި ހުރި އެރޫ ވަނީ “މިހާރު ފިލްމީ ކަންކަމާއި ނޫޅެން” ކަމަށް ބުނެފައެވެ. މިހާރު ފިލްމީ ދާއިރާއާއި ވަރަށް ދުރުގައި އުޅޭ އެރޫ ފިލްމު ކުޅުން ހުއްޓާލިކަން ރަސްމީކޮށް ހާމަކޮށްފައި ނުވިޔަސް “ފިލްމީ ކަންކަމާއި ނޫޅެން” ކަމަށް ބުނުމުން އޭނާ ދެން ފިލްމު ނުކުޅޭނެކަމަށް ލަފާކުރެވެއެވެ.
އެރޫގެ ކައިވެންޏާއި ގުޅިގެން އޭނާގެ ފޭނުންނާއި ދާއިރާގެ ފަރާތްތަކުންވެސް އޭނާއަށް މަރުޙަބާ ކިޔަމުންދާއިރު މުނިއަވަސްގެ މުޅި ޓީމުންވެސް އެރޫއަށް ވަރަށް އުފާވެރި ބާއްޖަވެރި ކައިވެންޏަކަށް އެދެމެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 1 މެއި 2024ވާހަކައިމްނާ
- 16 އޮކްޓޯބަރ 2023ޚަބަރުމާމޮރިސް ބ: ގޮއިދޫ ފުޓްސަލް ފިއެސްޓާ 2023 : ޓީމް ޗަޑްސް އިން އުންމީދު އާކޮށްފި
- 16 އޮކްޓޯބަރ 2023ޚަބަރުމާމޮރިސް ބ. ގޮއިދޫ ފުޓްސަލް ފިއެސްޓާ 2023 : ރޯޔަލް ފްރެންޑްސް އާއި ޗެލެންޖާސް ސްޕޯޓްސް ކްލަބަށް މޮޅެއް
- 14 ސެޕްޓެމްބަރ 2023ޚަބަރުހަމް ޓީވީއިން މިފަހަރު ގެނެސްދެނީ “ފިތުނާ”
