ސޮނީ ޓީވީއިން ދައްކަމުން އަންނަ ކާމިޔާބު ކުޑަކުދިންގެ ޑާންސް ރިއަލިޓީ ޝޯވ ”ސުޕަ ޑާންސާ ޗެޕްޓަރ 4“ ގެ ގްރޭންޑް ފިނާލޭ މާދަމާ ރޭ އޮންނާނެއެވެ.

ރާއްޖެ ގަޑިން 7:30 ގައި ފަށާ މި ގްރޭންޑް ފިނާލޭ އެޕިސޯޑްގައި ޝޯވގެ 5 ފައިނަލިސްޓުންގެ އިތުރުން ޝޯވގެ އިތުރު ބައިވެރިންގެ ހުށަހެޅުންތައްވެސް ފެނިގެންދާނެއެވެ. އޭގެ އިތުރުން ޝޯވގެ ޖަޖުން ކަމަށްވާ ޝިލްޕާ ޝެޓީއާއި ގީތާ ކަޕޫރްގެ ފަރި ހަރަކާތްތައްވެސް ފިނާލޭގައި ފެނިގެންދާނެއެވެ.

27 މާރޗުގައި ޖުމްލަ 13 ބައިވެރިންނާއެކު ފެށި މި ޝޯވގެ 5 ފައިނަލިސްޓުން މިދިޔަ ހަފުތާގައި ހޮވިއިރު އެ 5 ބައިވެރިންނަކީ ފްލޮރީނާ ގޯގޯއީއާއި ތުޝާރް ޝެޓީ، ސަންޗިތު ޗަނާނާއާއި ވަރްތިކާ ޖާ، ޕްރިތުވިރާޖް ކޮންގާރީއާއި ޝުބްރަނީލް ޕޯލް، އީޝާ މިޝްރާއާއި ސޮނާލީ ކަރް އަދި ނީރްޖާ ތިވާރީއާއި ބާވްނާ ކަންޑޫޖާއެވެ.

”ސުޕަ ޑާންސާ ޗެޕްޓަރ 4“ ގެ 5 ފައިނަލިސްޓުން

ޖަޖުންގެ މާކްސްއާއި ބެލުންތެރިންގެ ވޯޓުން ފައިނަލިސްޓުން ހޮވި ”ސުޕަ ޑާންސާ ޗެޕްޓަރ 4“ ގެ ގްރޭންޑް ފިނާލޭގެ ޚާއްސަ މެހެމާނުންގެ ގޮތުގައި ކޮރެއޯގްރާފަރު ޓެރެންސް ލުވިސްއާއި ނެށުންތެރިޔާ ރާގަވް ޖުޔަލްގެ އިތުރުން ލަވަކިޔުންތެރިޔާ ބާދުޝާހް ބައިވެރިވާނެއެވެ.

ކުރީގެ 3 ސީޒަނެކޭވެސް އެއްގޮތަށް މި ސީޒަންވެސް ޖަޖުކުރީ ކޮރެއޯގްރާފަރު ގީތާ ކަޕޫރާއި ބަތަލާ ޝިލްޕާ ޝެޓީގެ އިތުރުން ޑައިރެކްޓަރު އަނޫރާގް ބާސޫއެވެ. ހޯސްޓްކުރީ ރިތުވިކް ދަންޖާނީއާއި ޕަރީތޯޝް ތުރިޕާތީއެވެ.

ލިޔުންތެރިޔާގެ ފުރަމަލަ

ސާޖިދު ޢަބްދުﷲ
ސާޖިދު ޢަބްދުﷲ
މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.

ގުޅުންހުރި ލިޔުން: