“ޗާންދު ސިފާރިޝް” އާއި “ޖަބް ސެ ތެރެ ނެއިނާ” ފަދަ މަޝްހޫރު ރީތި އެތައް ލަވައެއް ކިޔާފައިވާ އިންޑިއާ ލަވަކިޔުންތެރިޔާ ޝާން ފިލްމަކަށް ސޮއިކޮށްފިއެވެ.
ޝަރްމަން ޖޯޝީއާއި ޝްރިޔާ ސަރަން ލީޑް ރޯލުން ފެނިގެންދާ މި ފިލްމަށް ޝާން ސޮއިކުރިއިރު މިއީ 2014 ގެ ފިލްމު “ބަލްވިންދަރް ސިންގ ފޭމަސް ހޯ ގަޔާ” އަށްފަހު ޝާން ބޮޑު ރޯލެއް ކުޅޭ ފުރަތަމަ ފިލްމުކަން ފާހަގަކޮށްލެވެއެވެ. އޭގެ ކުރިން އޭނާ ވަނީ ރަވީނާ ޓަންޑަންއަށް ނެޝަނަލް އެވޯޑް ލިބުނު 2001 ގެ ފިލްމު “ދާމަން: އަ ވިކްޓިމް އޮފް މެރިޓަލް ވަޔޮލެންސް” ގައި މުހިންމު ރޯލެއް ކުޅެފައެވެ.
“މިއުޒިކް ސްކޫލް” އަކީ ތަޢުލީމީ ނިޒާމުގެ ތެރެއިން ޑޮކްޓަރުންނާއި އިންޖިނިއަރުންނަށް ވުމަށް ކުރާ ޕްރެޝަރާއި އާޓާއި ކުޅިވަރުގެ ދާއިރާއިން މީހުން ބިނާނުކުރުމުގެ މައްޗަށް އުފައްދާ ފިލްމެކެވެ.
ޝަރްމަންއާއި ޝްރިޔާއާއި ޝާންގެ އިތުރުން މި ފިލްމުން ސުހާސިނީ މުލާއީ، ބެންޖާމިން ގިލާނީ، ޕްރަކާޝް ރާޖް އަދި ތެލުގޫ ކޮމޭޑިއަން ބްރާމަނަންދަމްއާއި ގްރޭސީ ގޯސްވާމީ ފަދަ ތަރިން ފެނިގެންދާނެއެވެ.
ޔާމިނީ ފިލްމްސްއިން ޕްރޮޑިއުސްކޮށް ޕާޕާ ރާއޯ ބިޔާލާ ލިޔެ ޑައިރެކްޓްކުރާ “މިއުޒިކް ސްކޫލް” އަކީ 12 ލަވަ ހިމެނޭ މިއުޒިކަލްއެކެވެ. ފިލްމު ރިލީޒްކުރާނެ ތާރީޚެއް އަދި އިޢުލާނެއް ނުކުރެއެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 16 އޮކްޓޯބަރ 2023ޚަބަރުމާމޮރިސް ބ: ގޮއިދޫ ފުޓްސަލް ފިއެސްޓާ 2023 : ޓީމް ޗަޑްސް އިން އުންމީދު އާކޮށްފި
- 16 އޮކްޓޯބަރ 2023ޚަބަރުމާމޮރިސް ބ. ގޮއިދޫ ފުޓްސަލް ފިއެސްޓާ 2023 : ރޯޔަލް ފްރެންޑްސް އާއި ޗެލެންޖާސް ސްޕޯޓްސް ކްލަބަށް މޮޅެއް
- 14 ސެޕްޓެމްބަރ 2023ޚަބަރުހަމް ޓީވީއިން މިފަހަރު ގެނެސްދެނީ “ފިތުނާ”
- 29 އޯގަސްޓް 2023ޚަބަރުޕާކިސްތާނު ޑްރާމާ “ކަލަންކް” ފަށަނީ
