މަޝްހޫރު ޕާކިސްތާން ޑްރާމާ ސީރީޒް “ތޭރޭ ބިން”ގެ ދެވަނަ ސީޒަން، ޔުމްނާ ޒައިދީ އަދި ވަހާޖް އަލީއާއެކު ގެންނަން ތައްޔާރުވެއްޖެ އެވެ.
މި ޑްރާމާގެ ޝޫޓިން މިހާރު ކުރިއަށް އެބަދެއެވެ. އަބްދުﷲ ކަދްވާނީ އަދި އަސަދް ޤުރޭޝީގެ ‘ސެވަންތު ސްކައި އެންޓަޓެއިންމެންޓް’ އިން މި ޑްރާމާގެ ދެވަނަ ސީޒަން ގެ ޝޫޓިންގ ފަށާފައިވާ ކަމަށް 29 ޑިސެމްބަރ ގައި އިއުލާން ކޮށްފައިވެެެއެވެ.
އެންމެންގެ ހިތްތައް ދަމައިގެންފައިވާ ޔުމްނާ އަދި ވަހާޖް ފޭނުންގެ ނަމުންނަމަ “ޔުމްހަޖް” ފުރަތަ ސީޒަންގައި ދެއްކި ޖާދޫ، ދެވަނަ ސީޒަންގައި ދެއްކުމަށް އަންނަނީ ތައްޔާރުވަމުންނެވެ. މިކަން އިއުލާނުކޮށްފައި ވަނީ އިންސްޓަގްރާމް ޕޯސްޓަކުންނެވެ.
އެ ޕޯސްޓްގައި ވަނީ ފުރަތަމަ ސީޒަނަށް ބެލުންތެރިން ދިން ފުރިހަމަ ތަރުހީބަށް ޝުކުރު އަދާކޮށްފައެވެ. އޭގައި ބުނެފައި ވަނީ “އަލްޙަމްދުލިﷲ، އެންމެންގެ އިންތިޒާރަށް ނިމުމެއް. އެންމެނަށް ކަމުދާ ޔުމްނާ އަދި ވަހާޖްގެ އޮން-ސްކްރީން ކެމިސްޓްރީއާއެކު “ތޭރޭ ބިން” ގެ ސީޒަން 2 އެނބުރި އަންނަނީ.” މިހެންނެވެ.
ސެވަންތު ސްކައިގެ “ތޭރޭ ބިން”ގެ ފުރަތަމަ ސީޒަން ވަނީ މަޤުބޫލު ކާމިޔާބީތަކެއް ހޯދާފައެވެ. އެގޮތުން ޔޫޓިއުބް ރެކޯޑް މުގުރާލައި އެންމެ ގިނަބައެއްގެ ޝައުގުވެރިކަން މި ސީރީޒުން އަތުލައިގެންފައިވެއެވެ.
ލިޔުންތެރިޔާގެ ފުރަމަލަ
- މުނިފޫހިފިލުވުމުގެ ޚަބަރުތަކުގެ އިތުރުން ވައްޓަފާޅިއާއި ގުޅުންހުރި ލިޔުންތައް އިމްޝާ ކަވަރު ކުރާނެ އެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2024ރިޕޯޓްދުޅަހެޔޮ ދިރިއުޅުމެއް ބިނާކުރެވޭނީ ކިހިނެއް؟
- 1 ޖެނުއަރީ 2024ޚަބަރުޕާކިސްތާން ޑްރާމާ “ތޭރޭ ބިން” ގެ ދެވަނަ ސީޒަން ގެންނަނީ
- 20 ސެޕްޓެމްބަރ 2022ޚަބަރު“އިޝްޤް ހޯގަޔާ”ލަވައިން ފަހްމާން އަދި ސުމްބުލް
- 27 އޯގަސްޓް 2022ޚަބަރުސްޓަރ ނެޓްވޯކުން އަކްޝޭގެ “ކަޓްޕުތުލީ” ބޮޑު އަގުގައި ގަނެފި
