🧚 އެއްވަނައަށް އަންނަ ޕޯސްޓަރަކަށް 10،000 ރުފިޔާ!
🧚 މިމުބާރާތް ހުޅުވާލާފައިވަނީ އޮގަސްޓްމަހު 27، 2025 ވަނަ ދުވަހުން ފެށިގެން، އޮކްޓޯބަރ 15، 2025 ގެ ނިޔަލަށް
🧚 މިމުބާރާތާއި ގުޅޭ ގަވައިދު އަދި އިތުރު މައުލޫމާތު ޕަރީގެ ސޯޝަލް މީޑިއާ އެކައުންޓްތަކުން ފެންނަން ހުންނާނެ

މަޝްހޫރު އެކްޓަރ، ޑައިރެކްޓަރ އަލީ ސީޒަންގެ، ސީޒަން އަލީ ޕްރޮޑަކްޝަނުން ގެނެސްދޭ ”ޕަރީ“ ފިލްމުގެ ޕޯސްޓަރ ޑިޒައިން ކުރުމުގެ މުބާރާތެއް ހުޅުވާލައިފިއެވެ. އަލީ ޕްރޮޑަކްޝަނުން ބުނީ މިމުބާރާތަކީ އެންމެންނަށް ހުޅުވާލައިގެން ކުރިއަށް ގެންދާ މުބާރާތެއް ކަމަށެއެވެ. މިމުބާރާތުން އެއްވަނަ އަށް ހޮވޭ ޕޯސްޓަރަކަށް އިނާމެއްގެ ގޮތުގައި 10،000 ރުފިޔާ ދޭން ނިންމާފައިވާ ކަމަށް ޕަރީގެ ޓީމުން ބުނެއެވެ.

މިމުބާރާތް ހުޅުވާލާފައިވަނީ އޮގަސްޓްމަހު 27، 2025 ވަނަ ދުވަހުން ފެށިގެން، އޮކްޓޯބަރ 15، 2025 ގެ ނިޔަލަށް ކަމަށާއި ޑިޒައިން ކުރާ ޕޯސްޓަރުތައް ހުށަހަޅާނީ ޕަރީގެ އިންޓަރގްރާމް އަދި ފޭސްބުކު އެކައުންޓްތަކަށް ޕޯސްޓްކޮށްގެން ކަމަށް ޕަރީގެ ޓީމުން ބުނެއެވެ.

މިމުބާރާތުން އެއްވަނައަށް އަންނަ ޕޯސްޓަރު އިއުލާން ކުރުމާއި އިނާމް ދިނުން އޮންނާނީ ޑިސެމްބަރު 1، 2025 ވަނަ ދުވަހު، ޕަރީ ފިލްމުގެ ރަސްމީ ޓްރެއިލާ ލޯންޗް ކުރާ ހަފްލާގައެވެ.

ފިލްމު ”ޕަރީ“ގެ ކާސްޓުންގެ ތެރޭގައި ހިމެނެނީ ޝީލާ ނަޖީބް، ރިޝްމީ ރަމީޒް، އައިޝަތު ލަމްސާ ލަތީފް، ޖުމައްޔިލް ނިމާލް، މުހައްމަދު ނައުޝާދު އަލީގެ އިތުރުން އަލީ ސީޒަން ފަދަ މޫނުތައް ފާހަގަކޮށްލެވެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: