ހަތަރު ބާވަތެއް ބޭނުންކޮށްގެން މީރު ބިސް ސެލެޑެއް ތައްޔާރުކުރާނެ ގޮތް

ގާތްގަނޑަކަށް ދެ ތަށި، ނުވަތަ ހަތަރު ސޭންޑްވިޗަށް ވާވަރަށް މި ސެލަޑް ތައްޔާރުކުރުމަށް ބޭނުންވާނެ ތަކެއްޗަކީ:

🍳 6 ބޮޑު ބިސް (ރަނގަޅަށް ފެނުކައްކާފައި)

🍳 1 ބޮޑު އެވަކާޑޯ

🍳 1/4 ޖޯޑު މެޔޮނައިސް

🍳 1 1/2 ސައިސަމުސާ ތަޖިން (Tajín) – ނުވަތަ ރަހަލާވަރަށް (ބޭނުން ނަމަ)

ތައްޔާރުކުރާނެ ގޮތް:

1- ފުރަތަމަ ބިސްތައް ރަނގަޅަށް ފެނުކައްކައި، ތޮށިނޮޅުމަށްފަހު ކުދިކޮށް ކޮށާލާށެވެ.

2- ދެން އެވަކާޑޯ ދެފަޅިކޮށްލުމަށްފަހު އޮށް ނަގައި، އޭގެ އެތެރޭބައި ކުދި ގޮޅިތަކަކަށް ވާނޭހެން ކޮށާލާށެވެ. ކޮށާފައި ހުރި އެވަަކާޑޯގެ ތެރެއިން ހަތަރުބައިކުޅަ އެއްބައި ވަރު ތައްޓަކަށް އަޅައި، އުލަކުން ރަނގަޅަށް ޗިސްކޮށްލާށެވެ. ބާކީ ހުރި އެވަކާޑޯ ކޮޅު ފަހުން ބޭނުންކުރުމަށް ބަހައްޓާށެވެ.

3- ޗިސްކުރި އެވަކާޑޯގެ ތެރެއަށް މެޔޮނައިސް އާއި ތަޖިން އެޅުމަށްފަހު ރަނގަޅަށް އެއްކޮށްލާށެވެ. އޭގެ ފަހުން، ކުރިން ކޮށި ބިސްތަކާއި އަދި ބާކީ ހުރި އެވަކާޑޯ ކޮޅު މީގެ ތެރެއަށް އަޅައި، މަޑުމަޑުން އެއްކޮށްލާށެވެ. ރަހަ ބަލާލުމަށްފަހު ބޭނުންނަމަ އިތުރަށް ތަޖިން ކޮޅެއް އެޅިދާނެއެވެ. ނުވަތަ ސަލަޑް ސާވްކުރާއިރު މައްޗަށް ބުރުއްސާލެވިދާނެއެވެ.

އިތުރުކުރެވިދާނެ ބައެއް ބާވަތްތައް:

މީގެ ރަހަ އިތުރަށް ފުރިހަމަކޮށްލުމަށް ބޭނުންނަމަ، ކުދިކޮށް ކޮށާފައި ހުރި ސްކޭޭލިއަން (ފިޔާގެ ބާވަތެއް) (scallion)، ރަތް ފިޔާ ނުވަތަ ކޮތަންބިރި ފަތް (cilantro) މީގެ ތެރެއަށް އެއްކޮށްލެވިދާނެއެވެ.

ކެއުމަށް ބޭނުންކުރެވިދާނެ ގޮތްތައް:

މި ބިސް ސަލަޑަކީ ޓޯޓީލާ ޗިޕްސްއާއެކު، ނުވަތަ ފަތްޕިލާވެލީގެ ތެރެއަށް އަޅައިގެން، ނުވަތަ ދެ ޕާން ފޮއްޗެއްގެ ދޭތެރެއަށް ލައިގެން ސޭންޑްވިޗެއްގެ ގޮތުގައި ކާލަން ވަރަށް މީރު އެއްޗެކެވެ.