ޓެލެވިޛަން މޯލްޑިވްސް އިން ކުރިއަަށް ގެންދާ ފްރެންޗައިސް ޝޯ މޯލްޑިވިއަން އައިޑަލްގެ ތިންވަނަ ސީޒަންގެ އާއިޝަތު އަޒަލް ޒާހިރު ކާމިޔާބުކޮށްފިއެވެ.

އަޒަލް ޓައިޓަލް ގެންދިޔައީ ގްރޭންޑް ފިނާލޭ ޝޯގައި ސައިނާ މުހައްމަދު ރަޝީދު އާއި މަރިޔަމް މައީޝާ އާއި ތަސްނީމް އަބްދުލް ކަރީމް އަދި ނައުޝާދު އަބްދުލް ލަތީފްއާއި ވާދަކޮށް ގެންނެވެ. މި ބައިވެރިންގެ ތެރެއިން ޓޮޕް ތިނަކަށް ހޮވިފައި ވަނީ ތިން އަންހެން ބައިވެރިންނެވެ. 

މި ސީޒަންގެ ދެވަނަ އަށް ގެންގޮސްފައިވަނީ ޝައިނާ އެވެ. ތިންވަނަ ލިބުނީ މައީޝާ އަށެވެ. 

އަޒަލް އަށް މިއަހަރުގެ މޯލްޑިވިއަން އައިޑަލް ލިބުނުއިރު، މީގެ ކުރީ ސީޒަންތަކުން އަޒަލް ވަނީ ކަޓާފައެވެ.

Ads by MUNIAVAS