ވަސްތަކަކީ އިންސާނާގެ އަމިއްލަވަންތަކަމާއި، މިޒާޖާއި، މީހުންގެ ތެރޭގައި ހުންނަ ހުރުމާ ގުޅިފައިވާ އެއްޗެއްގެ ގޮތުގައި އަޅުގަނޑު ގެނެސްދޭ މި ސިލްސިލާގެ ރިޕޯޓުތައް ތިޔަބޭފުޅުންނަށް ކަމުދާނެ ކަމަށް އުންމީދު ކުރަމެވެ. މިފަހަރު އަޅުގަނޑު މި ބަލާލަނީ ވަރަށް ފާހަގަކޮށްލެވޭ، މާތް، އަދި އަންހެންވަންތަ ކަމުގެ ރަމްޒަކަށް ވެފައިވާ “ކްލެސިކް” ސެންޓަކަށެވެ.

މިއީ 1999 ވަނަ އަހަރު ބާޒާރަށް ނެރުނު، “ޑިއޯ ޖަޑޯ” އެވެ. މިއީ އެތައް އަހަރުތަކެއް ވަންދެން ޒަމާނީ އަންހެންވަންތަކަން ރަމްޒުކޮށްދޭ، މާމަލުގެ މީރުވަސް އެކުލެވޭ މަޝްހޫރު ސެންޓެކެވެ.

މި ވަސް ޚާއްސަވަނީ ކީއްވެ؟

ޖަޑޯއަކީ މާ ގަދަ ވަހެއް ނުދުވި ނަމަވެސް، ވަރަށް ހިތްގައިމު އަދި މާތް ގޮތަކަށް ވަސް ހުންނަ ސެންޓެކެވެ.

މި ސެންޓުން ކުރެވޭ އިޙުސާސްތައް:

● މާމަލުގެ ފިޔަތަކަށް އެޅިފައިވާ ރަން ދޯދިތަކެއް ފަދަ އުޖާލާކަން.
● ތާޒާ، ސާފުތާހިރު އަދި ހިތްގައިމު ހޫނުކަމެއް އެކުލެވޭ މާތްކަން.
● ޒަމާނީ ވިދުމެއް އެކުލެވޭ ކްލެސިކް އަންހެންވަންތަކަން.

ދުވާލުގެ ވަގުތުތަކުގަޔާއި ރޭގަނޑުގެ ހަފުލާތަކަށް ވެސް މިއީ ވަރަށް އެކަށީގެންވާ ސެންޓެކެވެ. ޚާއްސަކޮށް ހޫނު މޫސުމުގައި މި ސެންޓުގެ ތާޒާކަން އިތުރަށް ފާހަގަވެގެންދެއެވެ.

އެކުލެވިގެންވާ ވަސްތައް:

● ފެށޭ ވަސް (ޓޮޕް): ޕެއާރ، މެލަން، މެގްނޯލިއާ އަދި ޕީޗް.
● މެދު ވަސް (ހާރޓް): ފިނިފެންމާ ، ޖޭސްމިން، އޯކިޑް އަދި ޓިއުބަރޯސް.
● ނިންމާލާ ވަސް ބޭސް): މަސްކް، ވެނީލާ އަދި ސީޑާ ވުޑް.

މި ސެންޓުގެ އެންމެ ޚާއްސަ ސިފައަކީ މޭވާގެ ތާޒާ ވަހަކުން ފެށިގެން ގޮސް، މާމަލުގެ މީރުވަހަކަށް ބަދަލުވެ، އެންމެ ފަހުން މަސްކްގެ މަޑުމައިތިރި ވަހަކުން ނިންމާލެވޭ ގޮތަށް މިންގަނޑު ހިފެހެއްޓިފައި ހުރުމެވެ.

ވަސް ހުންނަ ވަގުތާއި ފެތުރޭ މިންވަރު:

● ފެތުރޭ މިންވަރު: މެދުމިންވަރަކަށް.
● ހުންނަ ވަގުތު: 6 އިން 8 ގަޑިއިރަށް.

މި ސެންޓުގެ ވަސް ފެތުރެނީ މާ ގަދަޔަށް މީހުން އުނދަގޫވާ ގޮތަކަށް ނޫނެވެ. ނަމަވެސް، މާތް އަދި ހިތްގައިމު ވަހެއްގެ އަސަރު މީހާ ހުންނަ ތަނެއްގައި ދަމަހައްޓައިދެއެވެ.

މި ވަސް އެންމެ ކަމުދާނީ ކާކަށް؟

● ކްލެސިކް މާމަލުގެ ވަސްތަކަށް ލޯބިކުރާ މީހުންނަށް.
● ސާފުތާހިރު އަދި މާތް ވަސްތަކަށް ގަޔާވާ މީހުންނަށް.
● އަބަދުވެސް ބޭނުންކުރާނެ ޚާއްސަ (ސިގްނޭޗަރ) ސެންޓެއް ހޯދާ މީހުންނަށް.

މިއީ އަމިއްލަ ނަފުސަށް އިތުބާރު އޮންނަ، މާތްކަމާއި ހަމަހިމޭން މުއްސަނދިކަމަށް ލޯބިކުރާ ފަރާތްތަކަށް ވަރަށް ފުރިހަމަ ސެންޓެކެވެ.

އިތުރު އިރުޝާދެއް:

● ހަމުގެ ވަހާ ގުޅުވާލުމަށްޓަކައި މަޑު މަސްކް ވަހެއް ހުންނަ ލޯޝަނަކާއެކު ބޭނުންކޮށްލާށެވެ.
● އިތުރު ހޫނުކަމެއް ބޭނުންނަމަ ވެނީލާ ވަސް ހުންނަ އެއްޗަކާ އެކުލަވާލާށެވެ.
● އިތުރު ތާޒާކަމަކަށް ތާޒާ މާމަލުގެ ވަސް ހުންނަ އެއްޗަކާއެކު ބޭނުންކުރެވިދާނެއެވެ.

“ޖަޑޯ” އަކީ ހަމައެކަނި ސެންޓެއް ނޫނެވެ. މިއީ ތާރީޚެއް އޮތް ބްރޭންޑެކެވެ. 1999 ވަނަ އަހަރުން ފެށިގެން މިއަދާ ހަމައަށް ވެސް، މިއީ ދުނިޔޭގައި ހުރި އެންމެ މަޤުބޫލު މާމަލުގެ ސެންޓެވެ. އޭގެ ހިތްގައިމު އުޖާލާކަމާއި ޒަމާންވީ މާތްކަމުގެ ސަބަބުން، އަސްލު ކްލެސިކް އެއްޗަކީ ދުވަހަކުވެސް ބާވެ ފިލައިގެންދާނެ އެއްޗެއް ނޫންކަން މި ސެންޓުން ސާބިތުކޮށްދެއެވެ.