މާލެއިން ގަސްކާނާ ހިފައިގެން ކ. ކާށިދޫއަށް ދަތުރުކުރަމުންދިޔަ ދޯންޏެއް މާލެ އަތޮޅު ގާފަރު ކައިރިން ބަންޑުން ޖަހާލައިފިއެވެ.
“ގެޓަނޯ 2” ނަމަކަށް ކިޔާ މިދޯނި ބަންޑުން ޖަހައިލި ވަގުތު އެދޯނީގައި ހަތަރު ބިދޭސީންނާއި، ދިވެއްސަކު ތިބިކަމަށް އެމް.އެން.ޑީ.އެފުން މަޢުލޫމާތު ދެއެވެ. އެމީހުން މިހާރު ގާފަރުގެ ލޯންޗަކުން ގާފަރަށް ގެންގޮސް ހެލްތް ސެންޓަރުގައި ފަރުވާދެމުންދާކަމަށްވެސް އެމްއެންޑީއެފުން ބުނެއެވެ.
މި ޙާދިސާގެ މަޢުލޫމާތު އެމް.އެން.ޑީއެފަށް ލިބުނީ މިއަދު މެންދުރު 14:33 ގައިކަމަށް އެމް.އެން.ޑީ.އެފުން ބުނެއެވެ. ގާފަރު ކައިރިއަށް ދޯންޏެއް ބަންޑުން ޖަހާލުމާގުޅިގެން، އެ ސަރަޙައްދުގައި އެމް.އެން.ޑީ.އެފްގެ މާލޭ އޭރިއާގެ ކޯސްޓްގާޑް ސްކޮޑްރަންއިން ހަރަކާތްތެރިވާން ފަށާފައިވާއިރު، ދޯނީގައި ތިބި މީހުން މިހާރު ތިބީ ފަރުމަތީގައިކަމަށާއި، ގާފަރު ކައުންސިލްގެ ފަރާތުން އެމީހުންނަށް ބޭނުންވާ އެހީތެރިކަން ފޯރުކޮށްދެމުންދާކަމަށްވެސް އެމް.އެން.ޑީ.އެފުން ބުނެއެވެ.
މާލެއިން ކ. ކާށިދޫއަށް ދަތުރުކުރަމުންދަނިކޮށް ގާފަރު ކައިރިއަށް ބަންޑުން ޖަހާލި “ގެޓަނޯ 2” ދޯނީގެ ދިގުމިނުގައި 85 ފޫޓް ހުރެއެވެ.
ލިޔުންތެރިޔާގެ ފުރަމަލަ
- އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 8 އޭޕްރިލް 2025ޚަބަރު“ސޮރީ” ގެ ރަސްމީ ޓްރެއިލާ މިރޭ ނެރެނީ!
- 7 އޭޕްރިލް 2025ޚަބަރު“ލޯބިން” އަށް އައު މޫނުތަކެއް ހޯދުމަށް ހޮވެއްޔެއް!
- 10 އޭޕްރިލް 2021ޚަބަރުމުނިއަވަސް މަދަހަ މުބާރާތަށް މިފަހަރުވެސް ބޮޑު ތަރުހީބެއް!
- 16 މާރޗް 2021ރިޕޯޓްކޮފީއަށް ކުޑަ ޚަރަދެއް! މި ގޮތް ކިހިނެއް؟
