ދިވެހިން އެބަހަކަށްޓަކައި އަބަދުވެސް ފަޚުރުވެރިވާ ދިވެހި މާދަރީބަހުން ސްރީލަންކާގެ ކުރީގެ ރައީސް އަދި ބޮޑުވަޒީރުގެ ފިރިހެން ދަރިފުޅު، ނަމަލް ރާޖަޕަކްސާ ޓްވީޓެއް ކުރައްވައިފިއެވެ.
ދިވެހިބަހުން، އެހެންނަމަވެސް ތާނަ ލެޓިނުން ނަމަލް ކުރައްވާފައިވާ ޓްވީޓްގައި ވިދާޅުވީ: “އިބްރާހިމް މުޙައްމަދު ޞާލިޙް އާ ބައްދަލުވުމަކީ ލިބުނު ޝަރަފެއް. ސްރީލަންކާ އާއި ދިވެހިރާއްޖެ އާއި ދެމެދު އޮތް ދުވަސްވީ ރަހުމަތްތެރިކަމާމެދު ރައީސް ޞާލިޙް ދެކެވަޑައިގަންނަވާ ގޮތް ވަރަށް ޝައުޤުވެރިކަމާއެކު އެހިން.” މިހެންނެވެ.
Raees Ibrahim Mohamed Solih aa badhdhalu vumakee libunu sharafeh. Sri Lanka aai Dhivehi Raajje aai dhemedhu oiy dhuvas vee rahmaiy theri kamaai medhu Raees Solih dhekevadaigannavaa goiy varah shawq veri kamaa eku ehin. pic.twitter.com/5YBmzOQTBC
— Namal Rajapaksa (@RajapaksaNamal) February 5, 2019
މީގެ ކުރިން އިންޑިޔާގެ ބޮޑުވަޒީރު ނަރެންދްރަ މޯދީ ވެސް ދިވެހިބަހުން، ތާނައަކުރުން ޓްވީޓެއް ކުރައްވާފައި ވެއެވެ. މޯދީގެ ޓްވީޓާމެދު ދިވެހިބަހަށް ލޯބިކުރާ ފަރާތްތަކުން ތަޢުރީފުކޮށްފައިވާއިރު، އެކަމަށް އެހެން ވިސްނުމެއްގައިވެސް ބައެއް ފަރާތްތަކުން ރައްދުދީފައިވެއެވެ.
