އޮފީސްތަކުގެ ޓެލެޑްރާމާ މުބާރާތުގައި މޯލްޑިވްސް އެއާރޕޯޓްސް ކޮމްޕެނީ ލިމިޓެޑުން ގެނެސްދޭ ޑްރާމާ އަކީ ”ނަކަލު“ގެ ލީޑް ތަރިންނާއި ދިމާވެއްޖެ ހެއްޔެވެ؟ ދިމާ ނުވާނަމަ، މުނިއަވަސް އާއެކުގައި ތަރިންނާއި ބައްދަލުކޮށްލަމާ ހިނގާށެވެ.

މެލޯޑްރާމާ ”ނަކަލު“ގެ ސްކްރީންޕްލޭ ލިޔެފައިވަނީ ފެންވަރު ރަނގަޅު ސްކްރީންޕްލޭ ތަކެއް ގެނެސްދެމުން އަންނަ ހުނަރުވެރި ސްކްރީން ރައިޓަރ އަދި ޑައިރެކްޓަރ މޫމިން ފުޢާދު އެވެ.

ކޮޕީ އިއްސެ ޑައިރެކްޓކޮށްފައިވާ މި ޑްރާމާގެ މައިގަނޑު ކާސްޓްގެ ތެރޭގައި ހިމެނެނީ އަޙްމަދު ޝަމާން ނަޒީރު، އާއިޝަތު ކައުޘަރު ރަޝީދު، ޢަބްދުﷲ މާހިރު، ފާޠިމަތު ޙަނީފާ، މުޙައްމަދު ރަފީޢު، މުސްއަބް މުޙައްމަދު، ޤާސިމް އަބޫބަކުރު، ޙުސައިން ފިރާޤް އަދި އާއިޝަތު ސީމާ އެވެ.

އަޙްމަދު ޝަމާން ނަޒީރު ފެނިގެންދާނީ ސާލިމްގެ ރޯލުންނެވެ.

އާއިޝަތު ކައުޘަރު ރަޝީދު ފެނިގެންދާނީ ހައުލާގެ ރޯލުންނެވެ.

ޢަބްދުﷲ މާހިރު ފެނިގެންދާނީ ސައުދުގެ ރޯލުންނެވެ.

ފާޠިމަތު ޙަނީފާ ފެނިގެންދާނީ ފާއިޒާގެ ރޯލުންނެވެ.

މުޙައްމަދު ރަފީޢު ފެނިގެންދާނީ ފަޒީންގެ ރޯލުންނެވެ.

މުސްއަބް މުޙައްމަދު ފެނިގެންދާނީ ސާލިމްގެ ޅަދުވަސްވަރު ރޯލުންނެވެ.

ޤާސިމް އަބޫބަކުރު ފެނިގެންދާނީ އިބްރާހިމްފުޅު ގެ ރޯލުންނެވެ.

ޙުސައިން ފިރާޤް ފެނިގެންދާނީ ޣަފޫރު ސޭޓުގެ ރޯލުންނެވެ.

އާއިޝަތު ސީމާ ފެނިގެންދާނީ ބޮޑުދައިތައެއްގެ ރޯލުން ނެވެ.

ހަމަ އެކަނި ޓެލެވިޛަން މޯލްޑިވްސް އިން ދައްކަން ހަމަޖެހިފައިވާ މި ޑްރާމާ ދައްކާނީ މެއި މަހުގެ 30 ވާ ބުރާސްފަތިދުވަހުގެ ރޭ 22:00 ގައެވެ.