މަޝްހޫރު ބޮޑުބެރު ބޭންޑް “ހަބޭސް” އިން މި އަހަރު އަޟްޙާ ޢީދުގައި ޝޯ ދިނުމަށް ދާ ރަށްރަށަކީ ކޮބައިތޯ “ހަބޭސް”ގެ ލަވަ ކިޔުންތެރިޔާ ޙަސަން ޠަލާޤް (ތޮލާ) ކައިރިން އަހައިލުމުން ޖަވާބުގައި ތޮލާ ކިޔައިލީ ހިތްގައިމު ލަވައެކެވެ. އެ ލަވައިން “ހަބޭސް” މިފަހަރު ޝޯ ދިނުމަށް ދާނެ ރަށްތައް ވަރަށް ތަފްޞީލްކޮށް، ވަރަށް ހަބޭސްކޮށް ބުނެދިނެވެ.
“އޭއް ތޮލާ މިފަހަރު އީދުގަ ހަބޭސް ދަނީ ކޮން ރަށަކަށްތަ؟”
“އޭ ކީކޭ؟ ހަބޭސް ދަނީ ކޮންތާކަށް ހެއްޔޭ؟
ހާ އަލިފު ހޯރަފުށްޓަށާ ދިއްދޫއާ ނޫނު ވެލިދޫ
ހޮޅުދޫއާ ގާފު ދާލު ގައްދޫއަށޭ ހަބޭސް ދަނީ….
މިހާރު އެނގިއްޖެ ދޯ؟”
ޓެލެވިޛަން މޯލްޑިވްސް އިން ބޭއްވި ދެވަނަ “ވޮއިސް އޮފް މޯލްޑިވްސް” ގެ ޝަރަފުވެރި އެއްވަނަ ހޯދައި މިހާރު ރާއްޖޭގެ މިއުޒިކީ އުދަރެހުގައި އަލިގަދަކޮށް ވިދަމުންދާ ޙަސަން ޠަލާޤް (ތޮލާ) އަކީ ހުނަރުވެރި ޅެންވެރިއެކެވެ. އަމިއްލަ ރާގު ވެސް ހަދައެވެ. އެހެންކަމުން ‘ހަބޭސް ފަން‘ ފޭސްބްކް ޕޭޖުން ތައްޔާރުކޮށް އަޕްލޯޑްކޮށްފައިވާ ވީޑިއޯއިން ފެންނަ ލަވައަކީ ވެސް ތޮލާގެ ޅެންވެރިކަމުގެ ހުނަރާއި މޫސީގީ ހުނަރު ބޭނުންކޮށްގެން “ހަބޭސް” އާއި ތޮލާގެ ފޭނުންނަން ކޮށްފައިވާ ހަދިޔާއެއް ކަމަށް ޤަބޫލުކުރެވެއެވެ.
“ހަބޭސް” ޢީދު ޝޯ ދިނުމަށް ހަމަޖެހިފައިވާ ރަށްތައް ކިޔައިދިނުމަށް ‘ހަބޭސް ފަން’ އިން ވަރަށް ޝައުޤުވެރިކުރުވާ އެހެނަސް ވަރަށް އާދައިގެ ގޮތްތަކަކަށް އިތުރު ވީޑިއޯތައްވެސް އާއްމުކޮށްފައި ވެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 30 އޭޕްރިލް 2025ޚަބަރުމިއަދު އެލިމިނޭޝަން ބުރުގައި “ޓޫ އޮފް އަސް” ގެ ފުރަތަމަ ހުށައެޅުން
- 29 އޭޕްރިލް 2025ޚަބަރު“އަބަދަށް” ފިލްމުން އަބަދަށް ހަނދާންހުންނަ ވަރުގެ ކަންތައްތަކެއް!
- 28 އޭޕްރިލް 2025ޚަބަރުމާދަމާރޭ “ސޮރީ” ގެ ޓިކެޓް ވިއްކަން ފަށަނީ
- 28 އޭޕްރިލް 2025ޚަބަރުބެޓްލް އޮފް ބޭންޑްސްގެ އެލިމިނޭޝަން ބުރު ފަށައިފި
