ދައުލަތުގެ މުއައްސަސާތަކުގެ އޮޑިޓިންގ ދާއިރާގައި ހަރަކާތްތެރިވާ މުވައްޒަފުންނަށް އަމާޒުކޮށްގެން މިނިސްޓްރީ އޮފް ފިނޭންސުން އިންތިޒާމްކޮށްގެން “އިންޓާނަލް އޮޑިޓާރސް ޓްރޭނިންގ ޕްރޮގްރާމެއް ފަށައި، ފުރަތަމަ ބެޗު ކާމިޔާބު ކަމާއެކު ނިންމާލައިފި އެވެ.
ޕްރޮގްރާމުގެ މަޤްޞަދަކީ އިންޓަރނަލް އޮޑިޓެއް ޕްލޭންކުރާނެ ގޮތާއި، ހިރާސްތައް ދަނެގަންނާނެ ގޮތާއި، އޮޑިޓްގެ ފީލްޑްވާރކް ކުރިއަށް ގެންދާނެ ގޮތާއި، އޮޑިޓްގެ މަސައްކަތުގައި ވިސްނުން ބަހައްޓަންޖެހޭނެ ގޮތާއި، އޮޑިޓް ރިޕޯޓް ލިޔުމުގައި ސަމާލުވާންޖެހޭ ކަންތައްތައް ބަޔާންކޮށް މުވައްޒަފުން މަސައްކަތަށް އަހުލުވެރިކުރުމުގެ ގޮތުން ހިންގޭ ޓްރެއިނިންގ ޕްރޮގްރާމެކެވެ.
މި ޕްރޮގްރާމްގައި ކިޔަވާދެވޭ ބައިތަކަކީ:
– ޕްލޭނިންގ އެންޑް ރިސްކް އެސެސްމަންޓް – އޮފީސް ޓްއަރ
– ކްރިޓިކަލް ތިންކިންގ އެންޑް ޕްރޮފެޝަނަލް ސްކެޕްޓިސިޒަމް
– އޮޑިޓް އެގްޒެކިއުޝަން އެންޑް ފީލްޑްވާރކް –
– އިންޓަރނޭޝަނަލް ޕަބްލިކް ޕްރެކްޓިސް ފްރޭމްވަރކް
– އޮޑިޓް ރިޕޯޓް ރައިޓިން
15 ގަޑިއިރަށް ކުރިއަށް ގެންދެވޭ މި ޓްރޭނިންގގައި ޖުމްލަ 7 ބެޗެއް ކުރިއަށް ގެންދެވޭނެ އެވެ. އެގޮތުން ފުރަތަމަ ބެޗު ނިމި އަދި 2 ވަނަ ބެޗުގެ ކިޔެވުން މިހާރު ކުރިއަށްދާކަމަށް މިނިސްޓްރީ އޮފް ފިނޭންސުން މައުލޫމާތުދެއްވައެވެ.
