ބޮލީވުޑްގެ ޒުވާން ބަތަލާ ސާރާ އަލީ ޚާން އަނެއްކާ ވެސް ރާއްޖެ އައިސް ޗުއްޓީ ހޭދަކުރަމުން އެބަ ގެންދެއެވެ. މީގެ އަހަރެއްހައި ދުވަސް ކުރިންވެސް ރާއްޖޭގައި ސާރާ ޗުއްޓީ ހޭދަކުރިއެވެ. މިފަހަރު ސާރާ ރާއްޖެ އައީ އޭނާގެ މަންމަ އަމްރީތާ ސިންހް އާއި ކޮއްކޮ އިބްރާހީމް ޢަލީ ޚާން އާއެކުގައެވެ.

ސާރާގެ ފޮޓޯތައް އިންސްޓަގްރާމްގައި ހިއްސާކުރަމުން އަންނަ އިރު،  އޭނާ ޗުއްޓީ ހޭދަކުރަމުން އަންނަ ސެއިންޓް ރެޖިސް މޯލްޑިވްސް ވޮއްމުލި ރިސޯޓްގައި ހުރެ ނަގާފައިވާ ފޮޓޯތަކެއް ވެސް އިއްޔެ އާއްމުކޮށްފައި ވެއެވެ.

ސާރާ ބޮލީވުޑަށް ނުކުތީ 2018 ވަނަ އަހަރު ރިލީޒްކުރި ފިލްމު “ކެދާނަތު”އިން ސުޝާންތު ސިންހް ރާޖްޕުތް އާއެކުގައެވެ. ސާރާ އެންމެ ފަހުން ފެނިގެން ދިޔައީ ޑޭވިޑް ދަވަން އުފެއްދި “ކޫލީ ނަންބަރު 1” އިން ވަރޫން ދަވަން އާއި އެކުގައެވެ.

Ads by MUNIAVAS