ކޮލީވުޑް ނުވަތަ ތަމަަޅަ ފިލްމު ސިނާޢަތުގެ މަޝްހޫރު ކޮމޭޑިއަން ޔޯގީ ބާބޫ އަކީ އަބަދުވެސް ވަދިކޮށް އުޅޭ ފަންނާނެކެވެ. އޭނާ މަޝްހޫރުވެފައިވަނީ އަސްލާ އެއްގޮތަށް އެކްޓްކުރުމާއި ހާލަތާއި ގުޅޭގޮތަށް މަޖާ ބައިތައް ކުޅޭ މީހެއްގެ ގޮތުގައެވެ. ނަމަވެސް ޔޯގީ ބާބޫއަކީ މޮޅަށް ކްރިކެޓްކުޅޭ އެކްޓައެއްކަން މިއީ އާއްމުންނަށް އެނގިފައި ނެތް ކަމެކެވެ.
މަގުމަތީގައި މަޖަލަށް ކްރިކެޓްކުޅޭ ކުޅުންތެރިއެއް ނަމަވެސް، ޔޯގީ ބާބޫ މިވަނީ އޭނާގެ ކްރިކެޓްގެ ހުނަރު ދައްކައިލާ ފޭނުން ހައިރާންކޮށްލާފައެވެ.
މިވަގުތުވެސް އެތަކެއް ފިލްމެއްގައި މަސައްކަތްކުރަމުން އަންނަ ޖޯގީ ބާބޫއަށް ލިބޭ ހުސް ވަގުތު އޭނާގެ ރަހުމަތްތެރިންނާއެކު ކްރިކެޓް ކުޅެއެވެ. މިގޮތުން ރައްޓެހިންނާއެކު މަގުމަތީގައި ކްރިކެޓްކުޅެން އުޅޭ ވީޑިއޯއެއް އޭނާގެ ޓްވިޓަރގައި ޕޯސްޓްކުރި ހިސާބުން އެ ވީޑިއޯ މިވަނީ ވައިރަލްވެފައެވެ.
ވައިރަލްވެފައިވާ ވީޑިއޯއިން ފެންނަނީ ސިކްސަރ ސްޓައިލްގައި ބޯޅަ ޖަހާ މަންޒަރެވެ. މި މަންޒަރު ފެނިފައި އޭނާގެ ފޭނުން ތިބީ ހައިރާންވެ އަންތަރީސްވެފައެވެ. ފޭނުންގެ ތަޢުރީފުގެ ބަސްތައް އޮހެމުންދަނީ ހީވެސްނުކުރާ މިންވަރަކަށެވެ. މި ވީޑިއޯގައި ޔޯގީ ބާބޫ ބޯޅަ އުކާ މަންޒަރުވެސް ފެނިގެންދެއެވެ.
ޔޯގީ ބާބޫގެ ރަސްމީ މަސައްކަތްތަކަށް ބަލައިލާއިރު، އޭނާ ކުޅެފައިވާ ސިޔާސީ ޑްރާމާ ސްޓައިލްގެ ފިލްމު “މަންޑޭލާ” މިވަނީ އެކެޑަމީ އެވޯޑަށް އިންޑިއާއިން ހުށައަޅާ 14 ފިލްމުގެ ތެރޭގައި ހިމެނިފައެވެ. މި ފިލްމަކީ މަޑޯން އަޝްވިން ޑައިރެކްޓްކޮށްފައިވާ ފިލްމެކެވެ.
— Yogi Babu (@iYogiBabu) October 23, 2021
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 30 އޭޕްރިލް 2025ޚަބަރުމިއަދު އެލިމިނޭޝަން ބުރުގައި “ޓޫ އޮފް އަސް” ގެ ފުރަތަމަ ހުށައެޅުން
- 29 އޭޕްރިލް 2025ޚަބަރު“އަބަދަށް” ފިލްމުން އަބަދަށް ހަނދާންހުންނަ ވަރުގެ ކަންތައްތަކެއް!
- 28 އޭޕްރިލް 2025ޚަބަރުމާދަމާރޭ “ސޮރީ” ގެ ޓިކެޓް ވިއްކަން ފަށަނީ
- 28 އޭޕްރިލް 2025ޚަބަރުބެޓްލް އޮފް ބޭންޑްސްގެ އެލިމިނޭޝަން ބުރު ފަށައިފި
