ޅ. މަޑިވަރު އެއާޕޯޓަށް ޓެސްޓު ފްލައިޓް ޖައްސައިފިއެވެ. މި ފްލައިޓް ޖެއްސީ މިއަދު ހެނދުނުގެ ވަގުތެއްގައެވެ.
މަޑިވަރު އެއާޕޯޓަށް ޓެސްޓަށް ޖެއްސީ މޯލްޑިވިއަންގެ ފްލައިޓެކެވެ. އެ ފްލައިޓު އެ ރަށަށް ދިޔައީ އެއާޕޯޓުގެ ކަންކަން ބަލަހައްޓާ ޓެކްނިކަލް ޓީމެއް ވެސް ގޮވައިގެންނެވެ.
މި އެއާޕޯޓަށް މިއަދު ޓެސްޓު ފްލައިޓު ޖެއްސި އިރު، އެއާޕޯޓު މި އަހަރު ނިމުމުގެ ކުރިން ހުޅުވަން ޓްރާންސްޕޯޓް މިނިސްޓްރީން ވަނީ އަންގާފައެވެ. އެހެންނަމަވެސް އެއާޕޯޓު ހުޅުވައި ޝެޑިއުލް ދަތުރުތައް ފަށާނެ ދުވަހެއް އަދި ނޭނގޭ ކަމަށް އެމްއޭސީއެލް އިން ބުނެފައިވެއެވެ. މަޑިވަރު އެއާޕޯޓް މަޝްރޫ އަކީ 2018 ވަނަ އަހަރު ހަވާލުކުރި މަޝްރޫއެކެވެ. އެއާޕޯޓާއި އެކު ސިޓީ ހޮޓަލެއް ވެސް އެރަށުގައި އަޅަން ހަވާލުކޮށްފައިވެއެވެ.
މަޑިވަރު އެއާޕޯޓަށް ޓެސްޓު ފްލައިޓު ޖެއްސުމަށް ބޭއްވި ރަސްމިއްޔާތުގައި ސަރުކާރުގެ އިސްވެރިން ބައިވެރިވެވަޑައިގެންނެވިއެވެ. އެގޮތުން ޔޫތު މިނިސްޓަރ އަހުމަދު މަހުލޫފާއި ބައެއް މަޖިލިސް މެމްބަރުން ވެސް ބައިވެރިވެވަޑައިގެންނެވިއެވެ.
We operated a test flight to Lh. Madivaru today. pic.twitter.com/4caLVClQiN
— Maldivian (@MaldivianAero) December 25, 2021
މި ރަސްމިއްޔާތުގައި އެއާޕޯޓު ހެދުމުގެ މަސައްކަތް ހަވާލުކޮށްފައިވާ ކުރެއްދޫ ހޯލްޑިންގްސްގެ މެނޭޖިން ޑިރެކްޓަރު އަދި ޗަމްޕާ ބްރަދާސްގެ ޗެއާމަން މުހައްމަދު މޫސާ (އުއްޗު) ވެސް ބައިވެރިވެވަޑައިގެންނެވިއެވެ.
މަޑިވަރު އެއާޕޯޓް އެއާޕޯޓުގައި 1.2 ކިލޯމީޓަރުގެ ރަންވޭއަކާއި، އެކޮމޮޑޭޝަން ބްލޮކެއް ވެސް ގާއިމްކޮށްފައިވެއެވެ. މި މަސައްކަތަކީ ޗައިނާގެ ބެއިޖިން އާބަން ކޮންސްޓްރަކްޝަން ގުރޫޕް (ބީޔޫސީޖީ) އިންކޮށްފައިވާ މަސައްތަކެކެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
