މަޝްހޫރު ލަވަކިޔުންތެރިޔާ އުދިތު ނާރަޔަންގެ ދަރިފުޅު އަދި ޒުވާން ލަވަކިޔުންތެރިޔާ އަދިތިޔާ ނާރަޔަންއާއި އޭނާގެ އަންހެނުން ޝުވެތާ އަގަރްވާލް އަށް ދަރިއަކު ލިބޭކަން އިޢުލާނުކޮށްފި އެވެ. އެމީހުން އެކަން އިޢުލާނުކުރީ އެމީހުންގެ މީސްމީޑިއާ މަންސައެއްގައި އިއްޔެގެ ވަގުތެއްގައެވެ.

އަދިތިޔާ ނާރަޔަންގެ ރަސްމީ އިންސްޓަގްރާމު މެދުވެރިކޮށް މާބަނޑުވެފައިވާ ޝްވެތާ އާއި އެކުގައި އަދިތިޔާ ނަގާފައިވާ ފޮޓޯތައް އާއްމުކޮށްފައިވެއެވެ. މި ޕޯސްޓު ހިއްސާކޮށް އަދިތިޔާ ބުނެފައިވަނީ ވަރަށް އަވަހަށް އެމީހުންނަށް ދަރިއަކު ލިބޭނެ ކަމަށާއި އެ ޚަބަރު އެންމެންނާއި ހިއްސާ ކުރަނީ ވަރަށް އުފަލުން ކަމަށެވެ.

އާއްމުކޮށްފައިވާ ފޮޓޯތަކުގައި ޝްވެތާ ލައިގެން އިނީ ކްރޮޕް ޓޮޕެކެވެ. ކުރުކުރު ކްރޮޕް ޓޮޕް ލާފައި އިންއިރު، ޝްވެތާގެ ބޮޑުވެފައިވާ ބަނޑު ފެންނަން ހުރެއެވެ. ސޯފާއެއްގައި އަދިތިޔާ އިނީ ތަޅުން މަތީގައި އިން ޝްވެތާގެ ގައިގާ ބައްދާލައިގެންނެވެ.

“އަހަރެންގެ ކިއުޓީ ޕައިގެ ފަރާތުން އެހެން ކިއުޓީ ޕައިއެއް ލިބެން އެބައުޅޭ. އިންތިޒާރު މިކުރަނީ ކެތްތެރިކަމެއް ނެތި.” ފޮޓޯ ހިއްސާކުރަމުން އަދިތިޔާ މިހެންވެސް ލިޔެލާފައި ވެއެވެ.

އަދިތިޔާ އަކީ ލަވަކިޔުމުގެ އިތުރުން ”އިންޑިއަން އައިޑަލް”، ”ސަރެގަމަޕާ ލިލް ޗެމްޕްސް” ފަދަ މަޝްހޫރު ޝޯތައްވެސް ހުށަހަޅާދީފައިވާ ފަންނާނެކެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: