“ފެބިއުލަސް ލައިވްސް އޮފް ބޮލީވުޑު ވައިވްސް“ އިން ފެނިގެން ދިޔަ ނީލަމް، މަހީޕް ކަޕޫރް، ބަވާނާ ޕާންޑޭ އަދި ސީމާ ސަޖްދޭ ރާއްޖޭގެ ޖުމެއިރާ މޯލްޑިވްސް ރިސޯޓުގައި ޗުއްޓީ ހޭދަކުރަން ފަށައިފިއެވެ.
ނީލަމްއާއި އޭނާގެ ތިން ރަހުމަތްތެރިން ރާއްޖޭގައި އުފާވެރި ވަގުތުތަކެއް ހިއްސާ ކުރަމުންދާއިރު އިންސްޓަގުރާމުގައި ވެސް ދަނީ އެމީހުންގެ ޗުއްޓީގެ ފޮޓޯތައް ހިއްސާ ކުރަމުންނެވެ.
”އަހަރުމެންދުނިޔޭގެ ކޮންމެ ތަނަކަށް ދިޔަ ކަމުގައި ވި ނަމަވެސް ވަރަށް މަޖާނަގާނަން.“ ނީލަމް އޭނާގެ ރައްޓެހިންނާ އެކުގައި ރާއްޖޭގައި ނަގާފައިވާ ފޮޓޯތަކެއް އިންސްޓަގުރާމުގައި ހިއްސާކުރަމުން ބުނެފައިވެ އެވެ. އެމީހުން މޭކަޕް ނުކޮށް ތިބެ ނަގާފައިވާ ފޮޓޯތަކަށް ފޭނުން ކޮމެންޓްކުރަމުން ބުނެފައިވަނީ ނީލަމްއާއި އޭނާގެ ރައްޓެހިން އެކުގައި އުޅޭއިރު މޭކަޕް ނުކޮށް ތިއްބަސް ވަރަށް ހިތްގައިމު ކަމަށެވެ.
ރާއްޖޭގެ މޫދުގެ ހިތްގައިމުކަން ދައްކުވައިދޭ ގޮތަށް ނީލަމް އެކަނި ނަގާފައިވާ ފޮޓޯތަކެއް ހިއްސާކޮށް ބުނެފައިވަނީ އެއީ ވަރަށް ހިތްގައިމު ފޮޓޯ ޝޫޓެއް ކަމަށެވެ. އެކަމަށްޓަކައި ޖުމެއިރާ މޯލްޑިވްސް ރިސޯޓުގެ މުވައްޒަފުންނަށް ޝުކުރު އަދާކޮށްފައިވެއެވެ. މީގެއިތުރުން ސީމާ ސަޖުދޭއާއި ބާވްނާ ޕާންޑޭ ވެސް ވަނީ އެމީހުންގެ އިންސްޓަގުރާމު އެކައުންޓުގައި މި ދަތުރުގެ ފޮޓޯތައް ހިއްސާ ކޮށްފައެވެ.
ނީލަމް، މަހީޕް ކަޕޫރް، ބަވާނާ ޕާންޑޭ އަދި ސީމާ ސަޖްދޭ އެކުގައި ފެނިގެންދާ “ފެބިއުލަސް ލައިވްސް އޮފް ބޮލީވުޑް ވައިވްސް“ ގެ ދެ ސީޒަނެއް ވަނީ ނެޓްފްލިކްސް އިން ދައްކާފައެވެ
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
