އިންޑިއާގެ ތެރަޕިސްޓް އަދި ސައިކޮލޮޖިސްޓް ސްނޯވީ ރާހީ ވަނީ ‘ދޮންފުތު ސިންޑްރޯމް’ (ރާޖާ ބޭޓާ ސިންޑްރޯމް) އާ ބެހޭގޮތުން ވާހަކަދައްކާފައެވެ. މިއީ ފިރިހެން ކުދިންނަށް މާބޮޑަށް އޯގާތެރިކޮށްހިތައި އަތުންފައިން އެއްވެސް ކަމެއް ކުރަން ނުޖެހޭ ގޮތަށް ބޮޑުކުރުމުން، އެކުއްޖާ ބޮޑުވާއިރު އެހެން މީހުންނަށް ބަރޯސާވާން ޖެހޭ ނުރައްކާތެރި ހާލަތަކަށް ކިޔާ ނަމެކެވެ. މީގެ ސަބަބުން ކުދިން ބޮޑުވާއިރު ދިރިއުޅުމުގެ ކަންކަމަށް ތައްޔާރު ނުވެވުމުގެ އިތުރުން އެމީހުންގެ ބައިވެރިންނަށް ބޮޑެތި ޒިންމާތަކެއް އުފުލަން ޖެހޭގޮތް މެދުވެރިވެއެވެ.
ސްނޯވީ ކިޔައިދިން ގޮތުގައި އެއްފަހަރަކު އޭނާ ގެއަކަށް ދިޔައިރު ބޮޑުވެފައި ހުރި ފިރިހެނަކު ސޯފާގައި އޮތްތައް ފެނުނެވެ. އޭނާ އެއްވެސް މީހަކާ އަނގައިން ނުބުނެ އެހެން މީހުންނަށް ސަމާލުކަމެއް ނުދީ އަދި ވަރަށް ބޮޑާ ގޮތަކަށް އޮތެވެ. ސްނޯވީ ބުނާގޮތުން މިއީ ހަމައެކަނި ކަންނެތްކަމެއް ނޫނެވެ. މިއީ އޭނާ ބޮޑުކުރި ގޮތުގެ ނަތީޖާ އެވެ. މީހުން ‘ދޮންފުތު ސިންޑްރޯމް’ (ރާޖާ ބޭޓާ ސިންޑްރޯމް) އޭ ކިޔައި އުޅޭ ކަމަކީ މިއެވެ.
‘ދޮންފުތު ސިންޑްރޯމް’ ގެ އަސްލު މާނައަކީ ކޮބާ؟
މިއީ “އޭނާ ލައްވައި އެއްވެސް މަސައްކަތެއް ނުކުރުވުމަށް” ކިޔާ ނަމެކެވެ. މިކަން ދިމާވަނީ ކުއްޖާ ކުރާ ކޮންމެ ގޯސް ކަމެއް އާއިލާއިން ދިފާއުކޮށް އުނދަގޫ ހުރިހާ ކަމެއް އެހެން މީހަކު ކޮށްދޭ ކޮށްދިނުމަށެވެ. ކުއްޖާ ބޮޑުވަނީ އޭނާގެ ކަންކަން އަބަދުވެސް އެހެން މީހަކު ކޮށްދޭނެ ކަމަށް ގަބޫލުކޮށްގެން ހުރެއެވެ.
ކޮންމެ ދުވަހަކު ނިންމާ ކުދިކުދި ނިންމުންތަކުން މި އާދަ އުފެދޭ ގޮތް
މިކަން އުފެދެނީ ކޮންމެ ދުވަހަކު ކުރާ ކަންކަމުގެ ތެރެއިންނެވެ. ގޭތެރޭގެ މަސައްކަތްތައް ނުކުރުވުމާއި ކުރާ ކަންކަމުގެ ނަތީޖާއާ ކުރިމަތިލާން ނުޖެހުމުން ކުއްޖާއަށް ދިރިއުޅުމުގެ ހުނަރުތައް ދަހެއް ނުވެއެވެ. ކުޑައިރު ލޯބީގެ ގޮތުގައި ފެންނަ ކަންކަން ބޮޑުވާއިރު ބަދަލުވަނީ އެހެން މީހުންނަށް ބަރޯސާވާ ބަރޯސާވުމަކަށެވެ.
އެއްވެސް މީހަކު ބުނަން ބޭނުންނުވާ ހަގީގަތް
ސްނޯވީ ބުނާގޮތުން މިކަމުގެ ހިތްދަތި ހަގީގަތަކީ ފިރިހެން ކުއްޖަކު އެއްވެސް ޒިންމާއެއް ނެތި ބޮޑުވުމުން އޭނާ ބޮޑުވާއިރު އެހެން މީހަކަށް އެ ޒިންމާތައް އުފުލަން ޖެހުމެވެ. ގިނަ ފަހަރަށް މި ޒިންމާ އުފުލަން ޖެހެނީ އަނބިމީހާއަށެވެ. ކެއްކުމާއި ގޭތެރޭގެ ހުރިހައި މަސައްކަތެއްގައި އުޅެމުންވެސް، ފިރިމީހާއަށް ކަންކަން ހަނދާންކޮށްދިނުމާއި ހުރިހާ ކަމެއް މެނޭޖްކުރަން ޖެހެނީ އަނބިމީހާއެވެ. ފިރިމީހާ “ނޭނގެއޭ” ބުނަނީ އޭނާއަށް ނޭނގޭތީއެއް ނޫނެވެ. އެކަން ދަސްކުރަން އޭނާ ދުވަހަކުވެސް މަސައްކަތްކުރަން ބޭނުންވެސް ނުވަނީއެވެ.
މީގެ އަސަރު ގުޅުންތަކަށް ކުރާ ގޮތް
މީގެ ސަބަބުން ކައިވެނީގެ ގުޅުންތަކަށް ވަރަށް ބޮޑަށް އަސަރުކުރެއެވެ. ބައިވެރިޔާ ބަދަލުވަނީ މެނޭޖަރަކަށެވެ. ލޯބީގެ ބަދަލުގައި އިހުސާސް ކުރެވެނީ ވަރުބަލިކަމެވެ. އެކަކު ދެމީހުންގެ މަސައްކަތް ކުރަން ޖެހުމުން ދެމީހުންގެ ދެމެދުގައި އޮންނަންޖެހޭ އިހުތިރާމް ކުޑަވެއެވެ.
ލޯބި ދިނުމަކީ މައްސަލައެއް ނޫން. ޒިންމާދާރު ނުކުރުވުމަކީ މައްސަލައެއް!
ލޯބި ދިނުމަކީ މައްސަލައެއް ނޫނެވެ. އެކަމަކު ލޯބި ދޭންވާނީ ޒިންމާދާރުކުރުވުމާއެކުގައެވެ. ކުދިންނަށް ޒިންމާދާރުވާން ދަސްވަނީ އެކަން އެމީހުންގެ ކިބައިން އުންމީދުކޮށްގެންނެވެ. ހަގީގީ އަޅާލުމަކީ ކުއްޖާއަށް ހުނަރުތައް ދަސްކޮށްދީ ޒިންމާ އުފުލަން ދަސްކޮށްދިނުމެވެ. އޭރުން އެކުއްޖާ ބޮޑުވާއިރު ހަމައެކަނި ލޯބި ލިބޭ މީހަކަށް ވުމުގެ ބަދަލުގައި އަމިއްލައަށް ކަންކަން ކުރަން އެނގޭ މީހަކަށް ވާނެއެވެ.
