⏱️ ތައްޔާރުކުރުމަށް: 10 މިނެޓު
⏱️ ފިހުމަށް: 45 މިނެޓު
🍽️ ތައްޔާރުކުރެވޭނީ: 6 މީހުންނަށް

🛒 ބޭނުންވާ ތަކެތި:

● 12 ކުކުޅު ފައި
● 2 މޭޒުމަތީ ސަމުސާ އެކްސްޓްރާ ވާޖިން އޮލިވް އޮއިލް
● ތެޔޮ ސްޕްރޭ

މަސާލާ ތައްޔާރުކުރުމަށް:

● 3 ސައިސަމުސާ ގާލިކް ޕައުޑަރު
● 3 ސައިސަމުސާ އަނިއަން ޕައުޑަރު
● 5 ސައިސަމުސާ ސްމޯކްޑް ޕެޕްރިކާ
● 2 ސައިސަމުސާ އަސޭމިރުސް
● 1 ½ ސައިސަމުސާ ލޮނު
● 4 ½ މޭޒުމަތީ ސަމުސާ ފުށް (އޯލް ޕާޕަސް ފްލާ)
● 3 ސައިސަމުސާ ބޭކިންގް ޕައުޑަރު

👩‍🍳 ތައްޔާރުކުރާނެ ގޮތް:

1 – އަވަން 200 ޑިގްރީ ސެލްސިއަސްއަށް ހޫނުކުރަން ޖައްސާށެވެ. ޓްރޭގައި ފޮއިލް އެޅުމަށްފަހު، އޭގެ މަތީގައި ރެކެއް ބާއްވާށެވެ (މީގެ ސަބަބުން ކުކުޅު ފައިގެ ދަށަށް ވެސް ހޫނުވެ، ރަނގަޅަށް މުރަނަ ވާނެއެވެ.)

2 – މަސާލާ ތައްޔާރުކުރުމަށް ބޭނުންވާ ހުރިހާ އެއްޗެއް ތަށްޓެއްގައި ރަނގަޅަށް އެއްކޮށްލާށެވެ.

3 – ކުކުޅު ފައިތަކުގައި އޮލިވް އޮއިލް އުނގުޅާލާށެވެ. ކުކުޅުގެ ހަންގަނޑު ރަނގަޅަށް ދަމާލައި، މަސްގަނޑު އެއްކޮށް ނިވާވާނޭހެން ބާއްވާށެވެ.

4 – ކުކުޅު ފައިތަކުގައި ތައްޔާރުކުރި މަސާލާ ރަނގަޅަށް އުނގުޅުމަށްފަހު، އިތުރަށް ހުންނަ ފުށްތައް ފޮޅާލާށެވެ. އެއަށްފަހު ޓްރޭގައި ހުރި ރެކްގެ މަތީގައި އަތުރާލާށެވެ.

5 – ކުކުޅު ފައިތަކުގެ މައްޗަށް ތެޔޮ ސްޕްރޭއިން ރަނގަޅަށް ތެޔޮ ޖަހާލާށެވެ.

6 – 30 މިނެޓު ވަންދެން އަވަނުން ފިހާށެވެ. ބައިގަޑިއިރު ވުމުން ޓްރޭ އަނބުރާލާށެވެ. އެއަށްފަހު އަވަނުގެ ހޫނުމިން 220 ޑިގްރީ ސެލްސިއަސްއަށް މަތިކޮށް، އިތުރު 15 މިނެޓު ވަންދެން ނުވަތަ ކުކުޅުގެ ބޭރު ހަންގަނޑު ރަނގަޅަށް މުރަނަވަންދެން ފިހާށެވެ.