ޕާކިސްތާނުގެ ޓީވީ ޑްރާމާތަކަށް ލޯބިކުރާ ފަރާތްތަކަށް ޚާއްސަކޮށްގެން އުފައްދާފައިވާ އާ ޑްރާމާ ސީރީޒް “ޕިކްނިކް ފަންޑް” ދައްކަން ފަށާ ތާރީޚު އިޢުލާނުކޮށްފިއެވެ.
“ޕިކްނިކް ފަންޑް” ގެ ލީޑް ރޯލުތަކުން ފެނިގެންދާނީ ޕާކިސްތާނުގެ މަޝްހޫރު އަދި ހުނަރުވެރި ތަރިން ކަމަށްވާ ހީނާ އަލްތާފް، ނަވާލް ސައީދު އަދި އުމަރު ޝަހުޒާދެވެ. މީގެ އިތުރުން، މި ޑްރާމާގެ ވާހަކަ ލިޔެ، ޑައިރެކްޓްކޮށް އަދި ޕްރޮޑިއުސް ކޮށްފައިވަނީ ޝާރިޤް ޔޫސުފް ތާރާއެވެ.
މި ޑްރާމާގެ ވާހަކަ ބިނާވެފައިވަނީ މެދުފަންތީގެ ކުރެހުންތެރިއެއްގެ ފަލްސަފީ އަދި ޖަޒުބާތީ ދިރިއުޅުމުގެ ދަތުރުގެ މައްޗަށެވެ. އެގޮތުން އަމިއްލަ ހުވަފެންތަކާއި، ލޯތްބާއި، އާއިލާގެ އުއްމީދުތަކުގެ އިތުރުން ދިރިއުޅުމުގައި ކުރިމަތިވާ އެކި ގޮންޖެހުންތަކާއި ކުރިމަތިލާނެ ގޮތްތައް ވަރަށް ފުރިހަމައަށް މި ޑްރާމާއިން ދައްކުވައިދޭނެއެވެ.
މި ޑްރާމާ ރަސްމީކޮށް ދައްކަން ފެށުމަށް ހަމަޖެހިފައިވަނީ 21 ސެޕްޓެމްބަރ 2026 ގައެވެ. މި ސީރީޒް ދެއްކުމަށް ހަމަޖެހިފައިވަނީ އެކްސްޕްރެސް ޓީވީއިންނެވެ. އެގޮތުން ކޮންމެ ހަފުތާއެއްގެ ހޯމަ ދުވަހުން ފެށިގެން ބުރާސްފަތި ދުވަހުގެ ނިޔަލަށް، ރޭގަނޑު 9:00 ގައި މި ޑްރާމާގެ އެޕިސޯޑުތައް އެ ޗެނަލުން ދުރަށް ފޮނުވާނެއެވެ.
