ދީނީ ސުވާލެއް އޮތީތަ؟
ޚަބަރު
ޕާކިސްތާނުގެ އާ ޑްރާމާ ސީރީޒް “މުހައްބަތު” ދައްކަން ފަށައިފި
މުނިއަވަސް ގްރެފިކްސް

ގިނަ ބައެއްގެ އިންތިޒާރަށް ނިމުމެއް ގެނެސް، މަޝްހޫރު ތަރިންތަކަކާއެކު އުފައްދާފައިވާ ޕާކިސްތާނުގެ އާ ޑްރާމާ ސީރީޒް “މުހައްބަތު” ދައްކަން ފަށައިފިއެވެ.

“މުހައްބަތު” ގެ ލީޑް ރޯލުން ފެނިގެންދަނީ ޕާކިސްތާނުގެ މަޤުބޫލު އެކްޓަރު ފިރޯޒް ޚާން އަދި ނަވާލް ސައީދެވެ. މީގެ އިތުރުން ޝަހްވީރު ކަދްވާނީ އާއި އައިނާ އާސިފް ވެސް މުހިންމު ރޯލުތަކުން ފެނިގެންދެއެވެ.

މި ޑްރާމާގެ ސަޕޯޓިން ކާސްޓުގައިވެސް ފާހަގަކޮށްލެވޭ މޮޅެތި ތަރިންތަކެއް ހިމެނެއެވެ. އޭގެ ތެރޭގައި ސަވޭރާ ނަދީމް، ގޯހަރް މުމްތާޒް، ހިބާ އަލީ ޚާން، ސަމީނާ އަހްމަދު، ދީޕަކް ޕަރްވާނީ، މޯމިން ދުއްރާނީ، ޒުހުރާ އާމިރު، އާގާ ތަލާލް، ކިންޒާ މާލިކް، އަކްބަރު އިސްލާމް، ހަސަން އަހްމަދު އަދި ހަލީމާ އަލީ ހިމެނެއެވެ.

މި ސީރީޒްގެ ވާހަކަ ބިނާވެފައިވަނީ ލޯތްބާއި، އެކުވެރިކަމާއި، ހިތާމަތަކުގެ އިތުރުން ތަޤުދީރުގެ ނިޔާ ދައްކުވައިދޭ ފުން އަސަރުތަކެއް އެކުލެވޭ ގޮތަށެވެ. މައިގަނޑު ގޮތެއްގައި މި ވާހަކަ އެނބުރަނީ ޔަހްޔާ އާއި އާސިޔާގެ ދެމެދުގައި އުފެދޭ ވަރުގަދަ ގުޅުމާއި، ދެބެއިންގެ މެދުގައިވާ ގުޅުމަށް ކުރިމަތިވާ ބޮޑެތި އިމްތިހާނުތަކުގެ މައްޗަށެވެ. އަދި އަމިއްލަ އިޙުސާސްތަކާއި، މިޒާޖުގެ ތަފާތުތަކުގެ އިތުރުން އާއިލީ ޒިންމާތަކުގެ ސަބަބުން ކެރެކްޓާތަކަށް ކުރިމަތިވާ ނަފްސާނީ އަދި އިޙުސާސީ ދަތިތައް މި ޑްރާމާއިން ފެނިގެންދާނެއެވެ.

މި ޑްރާމާއަކީ މަޝްހޫރު ޕްރޮޑަކްޝަން ހައުސް “ސެވެންތު ސްކައި އެންޓަޓެއިންމަންޓް” ގެ ކުޑައިގެ ދަށުން އަބްދުﷲ ކަދްވާނީ އަދި އަސަދު ޤުރޭޝީ ޕްރޮޑިއުސްކޮށްފައިވާ ސީރީޒެކެވެ. މި ޑްރާމާ ޑައިރެކްޓްކޮށްފައިވަނީ އަސަދު ޖަބަލް އެވެ. އަދި މި ވާހަކަ ލިޔެފައިވަނީ ޝާފިއާ ޚާން އެވެ.

މިވެސް ކިޔާލަން:  ޕާކިސްތާން ޑްރާމާ "ޓޫޓާ ހުއާ ދިލް" ފަށަން ތައްޔާރުވެއްޖެ

ރޭ (28 ސެޕްޓެމްބަރު) ގައި ޖިއޯ ޓީވީއިން ދައްކަން ފެށި “މުހައްބަތު” ގެ އެޕިސޯޑްތައް ދެއްކުމަށް ހަމަޖެހިފައިވަނީ ކޮންމެ ހޯމަ އަދި އަންގާރަ ދުވަހެއްގެ ރޭ ޕާކިސްތާން ގަޑިން 8:00 ގައެވެ. މީގެ އިތުރުން ޖިއޯ ޓީވީގެ ރަސްމީ ޔޫޓިއުބް ޗެނަލް ހަރްޕަލް ޖިއޯ އިންވެސް މި ޑްރާމާގެ އެޕިސޯޑްތައް ބަލައިލެވޭނެއެވެ.

0
Ads by MUNIAVAS
ކިޔުންތެރިންގެ ޚިޔާލު

Leave a Reply

Your email address will not be published. Required fields are marked *

Home
Menu
Search
Back to top