ހަތަރުވަރަކަށް އަހަރަށްވުރެން ގިނަދުވަސް ވާންދެން ދިގުލަމުން އަންނަ ވާހަކަ ‘އެއްހާސް އަހަރު’ ނިންމުމަށްފަހު ދެން ގެނެސްދޭން ފަށާނީ ‘ބަދަލު’ ގެ ނަމުން ނަން ދީފައިވާ ވަރަށް ތަފާތު، ލޯބީގެ ވާހަކައެކެވެ. މި ވާހަކައިގައި ކަވަރ ފޮޓޯ އަށް ބޭނުންކުރުމަށް ހަމަޖެހިފައި ވަނީ ލ. އަތޮޅު ކުއްޖެއް ގެ ފޮޓޯ އެކެވެ.
ބަދަލު މި ވާހަކަ އަކީ ވާހަކައިގެ ނަމުންވެސް އެނގޭނެ ފަދައިން ބަދަލުހިފުމުގެ ކަންތައްތަކެއް އެކުލެވޭ ވާހަކަ އެކެވެ. މި ވާހަކައިގެ ސިނަޕްސިސް އެއް މިހާރުވަނީ އެކުލަވައިލެވިފަ އެވެ. މީގެ އިތުރުން މިހާރު ކުރިއަށް މިގެންދަނީ ވާހަކައިގެ ޕްރިފޭސް ނުވަތަ ދީބާޖާ އެއް ލިޔުމުގެ މަސައްކަތެވެ. މި ވާހަކައިގައި 40 އާއި 50 އާއި ދެމެދުގެ އެޕިސޯޑް އަށް ދެމިގެންދާނެ ކަމަށް ބެލެވެއެވެ.
ތިރީގައި މި ހިމަނާލަނީ ވާހަކައިގެ ކުރު ޚުލާޞާ އެއް ނުވަތަ ސިނަޕްސިސް އެކެވެ.
އޭރު ޒިޔާން ގެ އުމުރުން ވާނީ އެއްމެ ހަތް އަހަރެވެ. ޒިޔާން އާއި އޭނާގެ މަންމަ މަގުމައްޗަށް ބިކަކޮށްލާފައި ޒިޔާން ގެ ބައްޕަ މާޖިދު އެހެން ކައިވެންޏެއް ކުރިއެވެ. ކައިވެނި ކުރެވުނީ ހަފައި ކައިއުޅޭ ޑައިނަކާއި އޭ ބުންޏަސް ދޮގަކަށް ނުވާނެ އެވެ.
މިހާރު ޒިޔާން ގެ އުމުރުން ތޭވީސް އަހަރެވެ. ޒިޔާން ބޭނުންވަނީ އޭނާގެ ބައްޕަގެ ކިބައިން ބަދަލު ހިފާށެވެ. ނަމަވެސް ޒިޔާން ގެ ރުޅިގަނޑު ބާލަމުންދަނީ އެހެން މީހަކަށެވެ.
ޒިޔާން ގެ ބައްޕަ ނިޔާވުމުގެ ކުރިން، ކުރެވުނު ކުށް އިހްސާސް ކުރެވުނެވެ. މާޖިދާއި އެއްލޭ ހިނގާ ހަމައެކަނި ދަރިފުޅަށް އޭނާގެ ހުރިހައި މުދަލަކާއި ބިމެއް ހިބަކޮށްދިނެވެ. މާޖިދު ގެ ދެވަނަ އަނބިމީހާ އާއި އޭނާގެ ދެ ދަރިންނަށް ލޯލާރިއެއްވެސް ނުދެއެވެ. ޒިޔާން ގެ ދޮންމަންމަ ގެ ދޮށީ ދަރިފުޅު އާނިކާ އާދޭސްކުރި އެވެ. އޭނާގެ ދެބެއިން ގެއިން ނުނެރުމަށެވެ. ބިކަކޮށްނުލުމަށެވެ. ދާނެ އެއްވެސް ތަނެއް މާލޭގައި ނެތީމަ އެވެ. ޒިޔާން އެއްބަސްވި އެވެ. ޝަރުޠެއް ކޮށްފަ އެވެ. ޤުރުބަނީ އަކަށް އާނިޔާ ވުމަށެވެ. އެއީ އެހައި ބޮޑުކަމެއް ހެއްޔެވެ؟
ކޮންމެ މަހަކުވެސް އާނިކާ ގެ މަންމަ އާއި ބޭބެ އަށް ޒިޔާން މުސާރަ ދޭގޮތަށެވެ. ބަދަލުގައި އާނިކާ އަށް ޖެހުނީ ޒިޔާން އާއި ކައިވެނިކުރާށެވެ. ޒިޔާން އަށް ކިޔަމަންތެރި އަތްބެއްގެ ވާޖިބު އަދާކޮށްދޭށެވެ.
އާއިދާ ގެ އެއްވެސް ކުށެއް ނެތްކަން ޒިޔާން އަށް ނުވެސް އެނގޭކަހަލަ އެވެ. މަޑުމަޑުން އާނިކާ ގެ މުޅި ޙަޔާތް ބަރުބާދު ކުރަމުން އޭނާ ގެންދިޔައީ ހެދެނީ ކިހައިވަރެއްގެ ގޯހެއްކަން ނުވެސް އެނގިހުރެ އެވެ.
**********
ކަވަރ ފޮޓޯ މޮޑެލް: ލީފް
ވާހަކައިގެ ސިނޮޕްސިސް ކިޔައިލުމުން ފަހަރުގައި އިނގިރޭސި ޑްރާމާ ސިލްސިލާ ‘ރިވެންޖް’ އާއި އެއްގޮތް ކަމަށް ފާހަގަ ކުރެވިދާނެ އެވެ. އެގޮތް ވުމަކީ ވުން އެކަށީގެންވާ ކަމެކެވެ. މިއީވެސް ބަދަލުހިފުމުގެ ވާހަކަ އެކެވެ. ނަމަވެސް ވާހަކައިގެ ހަމަ ކޮންމެ އެޕިސޯޑެއް ވެސް ބިނާކުރެވިގެންދާނީ ރިވެންޖް ސީރީސް އާއި މުޅިން ތަފާތުކޮށް ކަމުގެ ޔަޤީންކަން ކިޔުންތެރިންނަށް އަރުވަމެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 17 މެއި 2024ޚަބަރު“ލަސްވިޔަސް” މާލޭ މޭޔޭރަށް ބަރާބަރު!
- 7 މެއި 2024ޚަބަރުމޯލްޑިވްސް ފިލްމު އެސޯސިއޭޝަންގެ ޗެއަރއަށް މުއާ
- 3 މެއި 2024ޚަބަރު“ބަވަތި” ވީޑިއޯކްލަބުން މިހާރު ބަލައިލެވޭނެ
- 30 އޭޕްރިލް 2024ރިޕޯޓްވޯލްނަޓް ކާންވީ ކީއްވެ؟
