މަޝްހޫރު ކާރޓޫނު ފިލްމް ފްރޯޒަން 2 ގެ ހިންދީ ވާރޝަން އަށް ޕްރިޔަންކާއާއި އޭނާގެ ކޮއްކޮ ޕަރިނީތީ ޑަބްކުރަން ނިންމައިފިއެވެ.
މިކަން ހާމަކޮށް ޕްރިޔަންކާ އޭނާގެ އިންސްޓަގްރާމްގައި ކޮށްފައިވާ ޕޯސްޓެއްގައި ބުނެފައިވާގޮތުން ކުއީން އެލްސާގެ ކެރެކްޓާއަށް އޭނާ އަޑުއަޅާއިރު އެލްސާގެ ކޮއްކޮ ކަމަށްވާ އަނާގެ ކެރެކްޓާއަށް އަޑުއަޅާނީ ޕްރިޔަންކާގެ ކޮއްކޮ ޕަރިނީތީ އެވެ.
ބޮލީވުޑްގެ މަޝްހޫރު މިދެބެން އެކުގައި ފިލްމެއްގައި މަސައްކަތް ކުރާނެ އިރަކަށް މިދެބެންގެ ފޭނުން ކުރަމުންދާ އިންތިޒާރަށް ދާދި އަވަހަށް ނިމުން އަންނާނެ ކަމަށް ޕްރިޔަންކާ އިއުލާނު ކުރުމާއެކު، ފްރޯޒަން 2 ގެ ހިންދީ ވާރޝަން އަށް ފޭނުންދަނީ ކެތްތެރިކަމެއް ނެތި އިންތިޒާރު ކުރަމުން ކަމަށް ރިޕޯޓްތައް ބުނެއެވެ.
ދެބޭން އެކުގައި މަސައްކަތް ކުރުމަށް ފުރުސަތު ލިބުމުން ދެބޭން ވެސް އެކަމާ އުފާފާޅުކުރަމުން ދާއިރު އެންމެ އުފާވަނީ ހަގީގީ ދިރިއުޅުމުގައިވެސް ކޮއްކޮ، ފްރޯޒަން ފިލްމްގައި ވެސް ކޮއްކޮގެ ބަޔަށް އަޑު އަޅާތީކަމަށް ޕްރިޔަންކާ ވަނީބުނެފައެވެ. ހަމަ އެހެންމެ ފްރޯޒަން އަކީ އެންމެ މަގުބޫލު ކާރޓޫނު ކަމަށާއި އެއަށްވުރެ ވެސް އުފާ ވަނީ ޕްރިޔަންކާއާއި އެކީ މަސައްކަތް ކުރަން ލިބުމުން ކަމަށް ޕަރިނީތީ ވެސް ވަނީ ބުނެފައެފެ.
ފްރޯޒަން 2 ތިއޭޓަރުގައި އެޅުވުމަށް ހަމަޖެހިފައި މި ނޮވެމްބަރ މަހުގެ 22 ވަނަ ދުވަހުއެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސަޒްރާ އަކީ ކުރިން ރާއްޖެ ޓީވީގައި މަސައްކަތްކޮށްފައިވާ ތަޖުރިބާކާރު ނޫސްވެރިއެކެވެ. މުނިފޫހިފިލުމުގެ ދާއިރާގެ އިތުރުން އިޖުތިމާޢީ ދާއިރާގައިވެސް ސަޒްރާ ޚާއްޞައެވެ.
މި ލިޔުންތެރިޔާގެ ބައެއް އެހެން ލިޔުންތައް
- 4 މާރޗް 2021ޚަބަރުލަވަކިޔުންތެރިޔާ ޝްރެޔާ ބަނޑުބޮޑު!
- 28 ޖެނުއަރީ 2021ޚަބަރުއިންޑިއަން އައިޑަލް އަބީޖީތު ރާއްޖޭގައި
- 10 ޑިސެމްބަރ 2020ޚަބަރުދެކުނު އިންޑިޔާ ސިނަމާއިން އެންމެ “ހޭންޑްސަމް” ފަސް ތަރިން
- 9 ޑިސެމްބަރ 2020ރިޕޯޓްލޯބިވާ ބައްޕާއެވެ. ޝުކުރިއްޔާއެވެ.
