ދިވެހިންގެ މެދުގައި މަގްބޫލު ހިންދީ ޑްރާމާ ސިލްސިލާ ޔޭހޭ މޮހައްބަތޭން ނިންމާލާކަމަށް ޑައިރެކްޓަރ އެކްތާ ކަޕޫރު އިއުލާނު ކޮށްފިއެވެ.

2013 ވަނަ އަހަރުގެ ޑިސެމްބަރު މަހު ދައްކަންފެށި މި ޑްރާމާއަކީ ދަރިން ނުލިބޭ އަންހެނެއް ކަމުގައިވާ އިޝިތާ ދެކުދިންގެ ބައްޕަ އެއް ކަމުގައިވާ ރަމަންއާއި ދެމީހުންގެ ލޯބީގެ މައްޗައް ބިނާކޮށް ރަމަންގެ ދަރިންނާއި އާއިލާގެ ލޯބި އިޝިތާ ހޯދާ ގޮތުގެ މައްޗަށް ގެނެސްދޭ ޑްރާމާ އެކެވެ.

މިޑްރާމާ ނިންމާލާއިރު، ސްޓާ ޕްލަސްއިން ވަނީ “އައިވިލްމިސްޔޫ ޔޭހޭ މޮހައްބަތޭން” ގެ ނަމުގައި ހޭސްޓެގެއްގައި ކެމްޕޭނެއްފަށައިފައެވެ. 6 އަހަރުގެ ދިގު މުއްދަތަކަށް ގެނެސްދެމުންދާ މި ޑްރަަމާގެ އެންމެފަހު އެޕިސޯޑު ދައްކާނީ މި ޑިސެމްބަރު މަހުގެ 20 ވަނަ ދުވަހުއެވެ.