މިހާރު ދުނިޔޭގެ ބައެއް ޤައުމުތަކުގައި ފެތުރެމުންދާ ކޮރޯނާ ވައިރަސް ރޯގާ އާއި ހިމަބިއްސާއި ގުޅިގެން ރާއްޖޭގެ މިސްކިތްތަކުގައި ޤުނޫތު ނާޒިލާ (މުސީބާތުގެ ވަޤުތުގެ ޤުނޫތު) ކިޔަން ފަށައިފިއެވެ. ކޮންމެ ނަމާދެއްގެ ފަހު ރަކުޢަތުގައި ޤުނޫތު ކިޔަން ފެށީ މިރޭ މަޣްރިބް ނަމާދަށްފަހުގައެވެ.
ޤުނޫތު ނާޒިލާ ކިޔަން ފަށާފައި މިވަނީ މިއަދު ސަރުކާރުން ރާއްޖޭގެ ހުރިހައި ރަށްތަކަކަށް އެންގެވުމާއި ގުޅިގެންނެވެ. މިރޭގެ މަޣްރިބް ނަމާދުން ފެށިގެން މިނިސްޓްރީ އޮފް އިސްލާމިކް އެފެއާޒުން ވަކި ގޮތެއް އަންގަންދެން އަޑުހަރުކޮށް ކިޔަވާ ކޮންމެ ނަމާދެއްގެ ފަހު ރަކްޢަތުގައި އިޢުތިދާލުގައި ޤުނޫތު ނާޒިލާ ކިޔެވުމަށް ހުރިހާ މިސްކިތްތަކުގެ އިމާމުންނަށް އަންގަވާފައިވާކަމަށް މަޢުލޫމާތު ލިބެއެވެ.
މިހާރު ހަލުވިކަމާއި އެކު ފެތުރެމުންދާ ކޮރާނާ ވައިރަސް ޖެހިގެން މިއަދާއި ހަމައަށް 170 މީހުން މަރުވެފައިވެއެވެ. ކޮރޯނާ ވައިރަސް ޖެހުނުކަން މިވަގުތަށް ޔަޤީންވާ ޢަދަދުވަނީ 7711 އަށް އަރާފައެވެ.
ކޮރޯނާ ވައިރަހުގެ ރޯގާ އަކީ ބައިނަލްއަޤްވާމީ އިމަޖެންސީ ޙާލަތަށް ދާން ޖެހޭ ހިސާބަށް ގޮސްފައިވާ ހާލަތެއްތޯ ނުވަތަ ނޫންތޯ ކަނޑައެޅުމަށް ބައްދަލުވުމަކަށް މިއަދު އެރުމަށްވަނީ ނިންމާފައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 30 އޭޕްރިލް 2025ޚަބަރުމިއަދު އެލިމިނޭޝަން ބުރުގައި “ޓޫ އޮފް އަސް” ގެ ފުރަތަމަ ހުށައެޅުން
- 29 އޭޕްރިލް 2025ޚަބަރު“އަބަދަށް” ފިލްމުން އަބަދަށް ހަނދާންހުންނަ ވަރުގެ ކަންތައްތަކެއް!
- 28 އޭޕްރިލް 2025ޚަބަރުމާދަމާރޭ “ސޮރީ” ގެ ޓިކެޓް ވިއްކަން ފަށަނީ
- 28 އޭޕްރިލް 2025ޚަބަރުބެޓްލް އޮފް ބޭންޑްސްގެ އެލިމިނޭޝަން ބުރު ފަށައިފި
ރަނގަޅު ނިންމުމެއް. އެންމެންވެސް ޖަމާޢަތުގަ ނަމާދަށް އެރުމަށް އާދަކުރަމާ