ޔާރާ ސިސްޓަރޒްގެ ހުނަރުވެރި ނެށުންތެރިޔާ އަދި ދިވެހި ސިނަމާގައި އެންމެ މަޤްބޫލު އަންހެން ތަރި، މަރިޔަމް އައްޒަ މިއަދު ލާމަށް ހިނގައްޖެއެވެ. އައްޒަ ލާމަށް ދިޔައީ މިރޭ ލ. ގަމު ތުނޑީ އަލަށް އާބާދުވާ ސަރަހައްދުގައި ޚާއްޞަ ޝޯއެއް ދިނުމަށެވެ.

މިއަދު މެންދުރުފަހު ލާމަށް އައްޒަ ދިޔައީ ލ. އަތޮޅުގައި މިހާރު ޝޫޓްކުރަމުން އަންނަ ފިލްމު ”ނީނާ”ގެ ލަވައެއް ނެގުމަށް ބާއްވާ ޚާއްޞަ ޝޯއަކަށެވެ. މި ޝޯގައި އައްޒަގެ ވަރުގަދަ ޑާންސްތަކެއް ފެނިގެންދާނެއެވެ.

އައްޒަގެ މި ޚާއްޞަ ޝޯ އޮންނާނީ މިރޭ (12 ފެބްރުއަރީ 2020) 08:00ގައި ތުނޑީ އާބާދު ސްޓޭޖްގައެވެ.

ކާމިޔާބު ފިލްމު ”ބަވަތި“ އުފެއްދި ’އައި ފިލްމްސް‘ އިން ޑައިރެކްޓަރ އިލްޔާސް ވަހީދު (އިއްލެ) ބުނީ ފިލްމު ”ނީނާ“ ގައި އައްޒަ ފެނިގެންދާ ޚާއްޞަ ލަވަ ޝޫޓްކުރުމުގައި ބައިވެރިވުމުގެ ފުރުޞަތު ލ. ގަން-ފޮނަދޫ އަދި އަތޮޅުގައި ތިބި އައްޒަގެ ފޭނުންނަށާ ’އައި ފިލްމްސް’ގެ ފޭނުންނަށް އާއްމުކޮށް ހުޅުވާލާ ކަމަށެވެ.

އައްޒަ ކައްދޫ އެއަރޕޯޓްގައި

ތުނޑީ އާބަދު ސަރަހައްދު ސްޓޭޖްގައި ބާއްވާ މި ޝޯ ބަލައިލަން ވީހާ ގިނަ ފަރާތްތަކަކުން ދިއުމަށް ގަމުގައި ތިބި ”ނީނާ“ ފިލްމު ކްރޫ އާއި އައްޒަ އެދެއެވެ.

ފިލްމު ”ނީނާ”ގެ އޮންލައިން މީޑިއާ ޕާޓްނަރަކީ މުނިއަވަސްއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: