ކޮވިޑް-19 ނުވަތަ ކޮރޯނާވައިރަސް އިން ޖެހޭ ބަލިން ރައްކާތެރިވުމަށް ރާއްޖޭގެ ހެލްތު ސެކްޓަރއިން ކުރަމުން އަންނަ މަސައްކަތްތައް ފާހަގަކޮށް ދުނިޔޭގެ ސިއްހަތާބެހޭ ޖަމުއިއްޔާއިން އެކަން ފާހަގަކޮށްފައިވާއިރު، ރާއްޖޭގެ ވަކިވަކި ފަރުދުންނާއި ޖަމިއްޔާ ޖަމާޢަތްތަކުންވެސް އަންނަނީ ހޭލުންތެރިކުރުވުމުގައި ބައިވެރިވަމުންނެވެ.
ކަމަކަށް މީހުން ހޭލުންތެރިކުރުވުމަށް އޮތް އެންމެ ނުފޫޒުގަދަ ވަޞީލަތަކީ މީޑިއާއެވެ. މީޑިއާގެ ޒަރީޢަތްތަކުން ވީޑިއޯ އަކީ އެންމެ ނުފޫޒުގަދަ ގޮތެވެ. ވަކިން ޚާއްޞަކޮށް ކޮމިކް ސްޓައިލެއްގައި އެފަދަ ވީޑިއޯ އިޝްތިހާރެއް ގެނެސްދިނުމަކީ އެ އިޝްތިހާރު ބެލުމަށްފަހު، އޭގައި އެ ބުނާ ކަމެއް ހަނދާނުގައި ބެހެއްޓުމަށް އެންމެ އެކަށީގެންވާ ގޮތްކަމަށް ޤަބޫލުކުރެވެއެވެ.
ރާއްޖޭގެ އެންމެ މަޤްބޫލު އެއް ވީޑިއޯ ޕްރޮޑަކްޝަން ހައުސް، ޑާކް ރެއިން އެންޓަޓެއިންމެންޓުން މިއަދުގެ ވަގުތެއްގައި ޕަބްލިކް ސާވިސް އެނައުންސްމެންޓެއް މީސްމީޑިއާއަށް ވަނީ ދޫކޮށްލާފައެވެ. ޑާކް ރެއިންގެ ކޮމިކް ސްޓައިލްގައި ގެނެސްދީފައިވާ ވީޑިއޯ އިންވެސް ދޭ މެސެޖަކީ ކޮވިޑް-19 އިން ރައްކާތެރިވެ ތިބުމަށް ދެވެން އޮތް އެންމެ ރަނގަޅު މެސެޖެވެ. އަތްދޮވެ ސާފުތާހިރުވުމެވެ.
އެ ވީޑިއޯގައި ކޮމީޑިއަން ސުނީ ވެސް ބުނަނީ ކޮރޯނާ ވައިރަސް އިން ސަލާމަތްވުމަށް ޖެހެނީ ހާސްނުވެ އަތްދޮންނަން ކަމަށެވެ. އެއަށްފަހު އަތް ދޮންނަންވީ ރަނގަޅުގޮތް، ކުޑަކުދިންގެ މަޤްބޫލު ބޭބީ ޝާކްގެ ޓައިޓް ލަވަކިޔަމުން ބުނެދެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
