މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގެ ފަރާތުން ރާއްޖޭގެ އެކިކަންކޮޅުތަކުގައި ގާއިމުކުރަމުންދާ ފަތާ ޓްރެކްތަކުގެ ތެރެއިން އައްޑޫ ސިޓީ މީދޫގައި ގާއިމުކުރި ފަތާ ޓްރެކް ބޭނުން ކުރަން ފަށައިފިއެވެ.
މިކަން ހާމަ ކުރައްވަމުން ޔޫތު މިނިސްޓަރު އަޙްމަދު މަޙްލޫފް ކުރެއްވި ޓްވީޓެއްގައި ވިދާޅުވީ އައްޑޫ ސިޓީ މީދޫގެ ފަތާ ޓްރެކް ނިމިފައިވާ ކަމަށާއި އެކަން ކުރުމަށް ޓަކައި އެ ދާއިރާގެ މެމްބަރު ރޮޒޭނާ އާދަމް އާއި ސްވިމިންގ އެސޯސިއޭޝަން އަދި އައްޑޫ ސިޓީ ކައުންސިލްގެ ފަރާތުން ދެއްވި އެއްބާރުލެއްވުމަށް ޝުކުރު އަދާކުރައްވާ ކަމަށެވެ.
ހަމަައެހެންމެ، އައްޑޫ ސިޓީގެ ފޭދޫގައި ގާއިމުކުރުމަށް ހަމަޖެހިފައިވާ ފަތާ ޓްރެކްގެ މަސައްކަތް ވެސް، ވަރަށް އަވަހަށް ފެށިގެންދާނެ ކަމަށް ވެސް މިނިސްޓަރު ވަނީ ވިދާޅުވެފައެވެ. ފޭދޫ ޓްރެކް ގާއިމުކުރުމަށް ބޭނުންވާ ހުރިހާ ސާމާނެއް މިހާރު ވަނީ އެ ރަށަށް ފޮނުވާފައެވެ.
ފެތުމަކީ ރާއްޖޭގެ ރައްޔިތުންގެ ދިިރިއުޅުމާއި ވަރަށް ބޮޑަށް ގުޅިލާމެހިފައިވާ ކުޅިވަރެއްކަން ފާހަގަކުރައްވައި، ގިނަ އަދަދެއްގެ ބަޔަކު ކުޅިވަރެއްގެ ގޮތުގައި ފެތުމުގައި ޝާމިލްވާތަން ފެންނަމުންދާތީ، އެކަމާ އުފާކުރައްވާކަމަށް މިނިސްޓަރ މަޙްލޫފް ވަނީ ވިދާޅުވެފައެވެ.
ޔޫތު މިނިސްޓްރީ އާއި، ސްވިމިންގ އެސޯސިއޭޝަން އޮފް މޯލްޑިވްސް ގުޅިގެން ރާއްޖޭގެ އެކި ކަންކޮޅުތަކުގައި ފަތާ ޓްރެކް ގާއިމުކުރުމުގެ ގޮތުން ކުރިއަށް ގެންދާ މި މަސައްކަތުގެ ދަށުން މިހާތަނަށް ހދ. ކުުޅުދުއްފުުުއްޓާއި، ހއ. ދިއްދޫގައި ފަަަތާާ ޓްރެކް ގާާާއިމުކޮށް ނިިިމިިިފައިވާކަަަންް ފާހަގަކޮށްލެވެއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
