ބޮލީވުޑްގެ އެކްޓަރ ފަރާޒް ޚާން މަރުވެއްޖެއެވެ. ފަރާޒް މަރުވީ ނިއުރޮލިޖިކަލް ޑިސޯޑަރ އަކަށްް ބެންގަލޫރު ހޮސްޕިޓަލުގައި ފަރުވާާދެމުން ދަނިކޮށް އައިސީޔޫގައި އިއްޔެގެ ވަގުތެއްގައެވެ.
With a heavy heart I break the news that #FaraazKhan has left us for what I believe, is a better place.Gratitude to all for your help & good wishes when he needed it most.Please keep his family in your thoughts & prayers.The void he has left behind will be impossible to fill 🙏
— Pooja Bhatt (@PoojaB1972) November 4, 2020
މިކަން ޔަޤީންކޮށްދެމުން އެކްޓަރ/ޕްރޮޑިއުސަރ ޕޫޖާ ބަޓް ވަނީ ޓްވީޓެއް ކޮށްފައެވެ. އުމުރުން 46 އަހަރުގެ އެކްޓަރު މަރުވީ އޭނާގެ ފުރާނަ ސަލާމަތްކުރެވޭނެ ކަމުގެ އުންމީދު ޑޮކްޓަރުން ކުރިން ވެސް ކަނޑާލާފައި ވަނިކޮށެވެ.
ފަރާޒް ފިލްމީ ދާއިރާއަށް ނުކުތީ 1996 ގައި ރިލީޒްކުރި ފިލްމު “ފަރޭބް” އިންނެވެ. އޭނާ ކުޅެފައިވާ އިތުރު ފިލްމުތަކުގެ ތެރޭގައި “ޕްރިތުވީ” އާއި “ދުލްހަން ބަނޫ މޭ ތޭރީ” އަދި “ޗާންދު ބުޖް ގަޔާ” ހިމެނެ އެވެ.
ފަރާޒް ފެނިފައިވާ ޓީވީ ޝޯތަކުގެ ތެރޭގައި ‘އަޗާނަކް37 ސާލް ބާދް’، ‘ސިންދޫރު ތޭރޭ ނާމް ކާ’، ‘ނީލީ އާނކޭން’، ‘ރާތު ހޯނޭ ކޯ’ ވެސް ފާހަގަކޮށްލެވެއެވެ.
