ޑައިރެކްޓަރ އާނަންދު އެލް ރާއީގެ މުޅިން އައު ފިލްމެއްގެ ޝޫޓިން ފަށަައިފިއެވެ. “އަތުރަންގީ ރޭ”ގެ ނަމުގައި ޝޫޓިން ފެށި މި ފިލްމުގެ ލީޑްގައި ހަރަކާތްތެރިވަނީ އަކްޝޭ ކުމާރާއި ސާރާ ޢަލީ ޚާން އެވެ.
ފިލްމުގެ ޝޫޓިން ފެށިކަން އިއުލާނުކުރަމުން ފިލްމުގެ މަންޒަރެއް އަކްޝޭ ކުމާރު ވަނީ މީސް މީޑިއާގައި ހިއްސާކޮށްފައެވެ.
The joy brought by those three magic words is unmatched : Lights, Camera, Action 😁
Begun shooting for #AtrangiRe by @aanandlrai. Need all your love and best wishes 🙏🏻
An @arrahman musical.
Written by: #HimanshuSharma #SaraAliKhan @dhanushkraja @TSeries @cypplOfficial pic.twitter.com/j8f3Xl9Ws5— Akshay Kumar (@akshaykumar) December 4, 2020
ސާރާ ޢަލީ ޚާންގެ އިންސްޓަގްރާމުގައި މި ފޮޓޯ ހިއްސާކުރަމުން ސާރާ ބުނީ “އަތުރަންގީ ރޭ”ގެ ކުލަ އިތުރަށް ގަދަވެއްޖެ ކަމަށާ އަކްޝޭ އާއެކު މަސައްކަތްކޮށްލަން ފުރުޞަތު ލިބުމީ ލިބުނު ޝަރަފަކާ އުފާވެރިކަމެއް ކަމަށާ އެކަމަށްޓަކައި ޝުކުރުވެރިވާ ކަމަށެވެ.
“އަތުރަންގީ ރޭ” އަކީ އޭއާރް ރަހްމާންގެ މިއުޒިކަލް އެކެވެ. ‘ކަލަރ ޔެލޯ ޕްރޮޑަކްޝަން’ އިން އުފައްދާ މި ފިލްމުގެ ލަވަތަކުގެ ޅެންވެރިއަކީ އިރުޝާދު ކާމިލް އެވެ.
މި ފިލްމުގައި ދަނޫޝް ވެސް ހަރަކާތްތެރިވެއެވެ. މިއީ އަކްޝޭ، ސާރާ އަދި ދަނޫޝް އެކުގައި ކުޅޭ އަލަތު ފިލްމެވެ.
