ކަލްޗާ އެންޑް ހެރިޓޭޖް މިނިސްޓަރު ޔުމްނާ މައުމޫން، ޕްރޮފެސަރ މައިކަލް ފީނަރ އާއި ބައްދަލުކުރައްވައި މޯލްޑިވްސް ހެރިޓޭޖް ސަރވޭގެ 2ވަނަ ފިޔަވައްސާއި ގުޅިގެން ވެވިފައިވާ ފަހުމުނާމާއާއި އެއްގޮތަށް ސަރވޭގެ އަމަލީ މަސައްކަތް ފެބްރުއަރީ މަހު ފެށުމަށް ވަމުންްދާ ތައްޔާރީތަކާއި ގުޅޭގޮތުން މަޝްވަރާ ކުރައްވައިފި އެވެ.
މި ސަރވޭގެ ދެވަނަ ފިޔަވަހި ޖަޕާނުގެ ކިޔޯޓޯ ޔުނިވަރސިޓީއާއި ގުޅިގެން މެރިޓައިމް އޭޝިއާ ހެރިޓޭޖް ސަރވޭގެ ނަމުގައި ކުރިއަށްގެންދިއުމަށް ހަމަޖެހިފައިވާއިރު، ސަރވޭގައި ރާއްޖޭގެ ހުރިހާ އަތޮޅެއްގައި ހުރި ސަގާފީ މާއްދީ ތަރިކަ ދަފުތަރުކުރެވިގެންދާނެ ކަމަށް މިނިސްޓްރީ އޮފް ކަލްޗާ އެންޑް ހެރިޓޭޖުން މަޢުލޫމާތު ދެއްވައެވެ.
މޯލްޑިވްސް ހެރިޓޭޖް ސަރވޭ މަޝްރޫޢުގެ ފުރަތަމަ ފިޔަވަހީގައި ހދ، ކ، ލ، ސ އަދި ޏ އަތޮޅުގައި ހުރި ސަގާފީ މާއްދީ ތަރިކަ ވަނީ ޒަމާނާއި އެއްގޮތަށް ދަފުތަރުކޮށްފައެވެ.
މޯލްޑިވްސް ހެރިޓޭޖް ސަރވޭ، ނުވަތަ ދިވެހިރާއްޖޭގެ ތަރިކައިގެ ސާވޭއަކީ ރާއްޖޭގައި ހުރި މާއްދީ އާސާރީ ތަރިކައާއި ގުޅޭ މަޢުލޫމާތު އެއްކޮށް، ކިތާބުކުރުމަށް ކުރިއަށްގެންދާ މަޝްރޫޢުއެކެވެ. މި ސާވޭގެ ތެރެއިން އާސާރީ މިސްކިތްތަކާއި މަހާނަގާތަކާއި ހަވިއްތަ ފަދަ ތަންތަނާއި އަދި އެހެނިހެން ތާރީޚީ ބިނާތަކާއި ތަކެއްޗާއި ބެހޭ މަޢުލޫމާތު ކިތާބުކުރެވޭނެއެވެ.
މި ސާވޭގައި ހޯދާ މަޢުލޫމާތު ރައްކާކުރުމަށް ހަމަޖެހިފައިވަނީ ފޮޓޯ އާއި ވީޑީއޯގެ އިތުރުން 3D ޓެރެސްޓްރިއަލް ސްކޭނިން އަދި ޖިއޮގްރެފިކަލް އިންފޯމޭޝަން ސިސްޓަމް (ޖީއައިއެސް) އެއް ބޭނުންކޮށްގެންނެވެ. އަދި މި މަޢުލޫމާތު އާންމުންނަށް ބޭނުންކުރެވޭނެ އޮންލައިން ޑޭޓާބޭސްއެއްގައި ދަނީ އާންމު ކުރެވެމުންނެވެ.
ދިވެހިރާއްޖޭގެ ތަރިކައިގެ ސާވޭގެ ދަށުން އެއްކުރެވޭ މަޢުލޫމާތުތައް މިހާރުވެސް https://maldivesheritage.oxcis.ac.uk/ މި ވެބްސައިޓުން ބަލައިލެވެން ހުރިކަން ފާހަގަކޮށްލެވެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 21 އޭޕްރިލް 2024ޚަބަރުޝޫޓިން ފެށުމަށް ފަހު 45 ވަރަކަށް ދުވަހުގެ ތެރޭގައި މަސައްކަތް ނިންމާލެވޭނެ – ނަހޫ
- 19 އޭޕްރިލް 2024ޚަބަރުއަނެއްކާވެސް ނަހޫ “ސޮރީ” ބުނެފި
- 13 އޭޕްރިލް 2024ޚަބަރު“ލަސްވިޔަސް” ފިލްމުގެ ޕްރިމިއާއާއެކު ލަހެއްނުވެ ތަޢުރީފު އޮހެން ފަށައިފި
- 11 އޭޕްރިލް 2024ޚަބަރުފިލްމު ހުރަސްގެ ބަޠަލާ މަރިޔަމް ރަޝީދާ ނިޔާވެއްޖެ