ދުވަސްތަކަކަށް މެދުކެނޑިފައި އޮތް އިންޑިއާގެ އެކްޓަރު/ކޮމޭޑިއަން ކަޕިލް ޝަރުމާ ގެނެސްދޭ ‘ދަ ކަޕިލް ޝަރުމާ ޝޯވ’ގެ އައު ސީޒަނެއް އަލުން ފަށަން ނިންމާފައިވާއިރު ފުރަތަމަ ޝޯވގައި އަކްޝޭ ކުމާރުގެ ބައިވެރިވުން ފެނިގެނަދާނެ ކަމުގެ ނިޝާނެއް އޭނާ ކުރި ޓްވީޓަކުން ހާމަވެއްޖެއެވެ.
މިމަހު 19 ގައި ސިނަމާތަކުގައި އަޅުވަން ހަމަޖެހިފައިވާ އަކްޝޭގެ ފިލްމު ‘ބެލްބޮޓަމް’ ގެ ޓްރެއިލަރ ބެލުމަށްފަހު އިއްޔެގެ ވަޤުތެއްގައި ކަޕިލް ވަނީ ޓްރެއިލަރ ވަރަށް ކަމުދާ ކަމަށާއި ކާމިޔާބަށް އެދޭ ކަމަށް ބުނެ އަކްޝޭއަށް ޓެގުކޮށް ޓްވީޓު ކޮށްފައެވެ. ޖަވާބުގައި އަކްޝޭ ބުނީ ފިލްމު ނެރުމަށްފަހު ޝޯވ ގައި ބައިވެރި ވާނެ ކަމާއި ދެމީހުން އެއްކޮށް ތިބެ ފިލްމާ ގުޅޭ ވާހަކަ ދައްކާނެ ކަމެވެ.
Jaise pata chala show par aa raha hoon, best wishes bheji uske pehle nahi. Milkar teri khabar leta hoon. https://t.co/60nI55ET4C
— Akshay Kumar (@akshaykumar) August 4, 2021
މިމަހު 21 ގައި ‘ދަ ކަޕިލް ޝަރުމާ ޝޯވ’ ޓީވީން ގެނެސްދޭން ފަށަން ހަމަޖެހިފައިވީ ނަމަވެސް އަދި ޝޯވ ތަކުގެ ޝޫޓިންގ ނުފެށޭ ކަމަށް މަޢުލޫމާތު ލިބެއެވެ.
މިފަހަރު ގެ ޝޯވ ތަކުގައި އަރުޗަނާ ޕުރާން ސިންގ ޖަޖަކަށް ބައިވެރިވާއިރު ކޮމޭޑިއަން ސުދޭޝް ލަހީރީ ވަނީ ކަޕިލް ޝަރުމާގެ ޓީމާ ގުޅިފައެވެ.
