ޔޫއްޕެ ޕްރޮޑަޖްޝަނާއި ޝައި ޕްރޮޑަކްޝަން ގުޅިގެން އުފައްދާ ކޮމެޑީ ވެބް ސީރީޒް “ގިރިދާ” މިހިނގާ ސެޕްޓެމްބަރު މަހުގެ 7 ގައި ސްޓްރީމްކުރަން ފަށާގޮތަށް ނިންމައިފިއެވެ.
ކުޅަދާނަ އެކްޓަރ، ޑައިރެކްޓަރ އަދި ސްކްރީން ރައިޓަރ ޔޫސުފް ޝަފީޢު (ޔޫއްޕެ) ލިޔެ، ޑައިރެކްޓްކޮށްފައިވާ “ގިރިދާ”ގެ މައިގަނޑު ތަރިންގެ ތެރޭގައި ޢަލީ އުސާމް (ދޮނާ)، ޢަލީ އާޒިމް (ދޮން އައްޔަ)، އަޙްމަދު ޒިޔާ އަދި އިބްރާހީމް ޖިހާދު (ޖިމީ) ހިމެނެއެވެ. މުޅި ސީރީޒްގައި ދާއިރާގެ ގިނަ ތަރިންތަކެއް ފެނިގެންދާއިރު ކޮންމެ އެޕިސޯޑަކުންވެސް އާ އަންހެން ތަރިއަކު ފެނިގެންްދާނެކަމަށް މަޢުލޫމާތު ލިބެއެވެ. އޭގެ ތެރޭގައި ޓިކްޓޮކް ތެރޭގައި ވިދައިލި ތަރިންވެސް ހިމެނެއެވެ.
މީގެ ހަތަރު ވަރަކަށް ދުވަސް ކުރިން ސީރީޒްގެ ޓްރެއިލާ ރިލީޒްކޮށްފައިވާއިރު ހެއްވާ މަޖާ ކަންތައްތަކެއް ފެނިގެންދާ މި ޓްރެއިލާއިން ދައްކަނީ ފިލްމީ މަސައްކަތްތަކަށް ޝައުޤުވެރިކަން ހުންނަ ބައެއްގެ ދިރިއުޅުމެވެ.
“ގިރިދާ” ބަލާފައި ނުހީނ ނުތިބެވޭނެވަރުގެ މަޖާ މަންޒަރުތައް ހުންނާނެކަމަށް ސީރީޒްގެ ލީޑްގައި ހިމެނޭ ދޮނާ ބުނެފައިވާއިރު ސީރީޒްގެ ޑައިރެކްޓަރ ބުނެފައިވަނީ މިއީ އެހެން ސްޓައިލެއްގެ ކޮމެޑީއެއް ކަމަށާއި ސިޓްކޮމްގެ ސިފަތަކާއި އާންމު ކޮމެޑީގެ ސިފަތައްވެސް މީގައި ހުންނާނެ ކަމަށެވެ.
މިހިނގާ ސެޕްޓެމްބަރު މަހުގެ 7 ވަނަ ދުވަހުގެ ރެއިން ފެށިގެން މީޑިއާނެޓްގެ އޯޓީޓީ ޕްލެޓްފޯމް މަލްޓި ސްކްރީންއާއި އެމްއެސްޓީވީގެ ވީއޯޑީއިން މި ސީރީޒް ބަލައިލެވޭނެއެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 16 އޮކްޓޯބަރ 2023ޚަބަރުމާމޮރިސް ބ: ގޮއިދޫ ފުޓްސަލް ފިއެސްޓާ 2023 : ޓީމް ޗަޑްސް އިން އުންމީދު އާކޮށްފި
- 16 އޮކްޓޯބަރ 2023ޚަބަރުމާމޮރިސް ބ. ގޮއިދޫ ފުޓްސަލް ފިއެސްޓާ 2023 : ރޯޔަލް ފްރެންޑްސް އާއި ޗެލެންޖާސް ސްޕޯޓްސް ކްލަބަށް މޮޅެއް
- 14 ސެޕްޓެމްބަރ 2023ޚަބަރުހަމް ޓީވީއިން މިފަހަރު ގެނެސްދެނީ “ފިތުނާ”
- 29 އޯގަސްޓް 2023ޚަބަރުޕާކިސްތާނު ޑްރާމާ “ކަލަންކް” ފަށަނީ
