“އަހަރެން ދުވަހަކުވެސް ބުނެފައެއް ނޯންނާނެ އަހަރެން ޓައިގަރ 3 ގައި މަސައްކަތް ކުރާނަމެކޭ! އަހަރެން މިބުނަނީ އަހަރެންގެ އެއްވެސް އަތެއް އެ ފިލްމަކު ނޯންނާނޭ!” މިހެން ބުނި ބޮލީވުޑްގެ އެކްޓަރު އިމްރާން ހާޝްމީ “ޓައިގަރ 03″ގެ ޝޫޓިންގއަށް ތުރުކީއަށް ގޮސްފިއެވެ.
އިންޑިއާގެ ޔާޝް ރާޖް ފިލްމްސް (ވައި.އާރު.އެފް)ގެ ޕްރޮޑަކްޝަންގެ ދަށުން ގެނެސްދޭން ހަމަޖެހިފައިވާ ފިލްމު “ޓައިގަރ 03” އަށް ރަޝިއާގައި ނަގަން ޖެހޭ މަންޒަރުތައް ނެގުމަށްފަހު ސަލްމާން ޚާނާއި އޭނާގެ ޓީމު މިހާރު ވަނީ ތުރުކީގައި ނަގަން ހަމަޖެހިފައިވާ މަންޒަރުތައް ނެގުމަށް އެޤައުމަށް ގޮސްފައެވެ.
އިމްރާން ހާޝްމީ ވެސް ތުރުކީއަށް ގޮސް “ޓައިގަރ 03″ގެ ޓީމާ މިހާރު ގުޅިފައިވާކަމަށް ބޭރުގެ ރިޕޯޓުތަކުން މަޢުލޫމާތު ލިބެއެވެ.
Catching a red eye flight to 🇹🇷 !! ✈️ pic.twitter.com/bIEsOuLHZu
— Emraan Hashmi (@emraanhashmi) September 1, 2021
ފިލްމުގެ ޝޫޓިންގއަށް ތުރުކީގައި 45 ދުވަހު ޓީމް “ޓައިގަރ 03” މަޑުކުރާނެއެވެ.
ދުވަސްކޮޅެއް ކުރިން ރަޝިއާގައި ސަލްމާނާއި ކެޓްރީނާގެ ފޭނުންނާއެކު ނަގާފައިވާ ފޮޓޯ ތަކަކާއި ފިލްމުގެ މަސައްކަތުގައި އުޅޭ މަންޒަރު ފެންނަ ފޮޓޯ ތަކެއް ވެސް ވަނީ ސޯޝަލް މީޑިއާގައި ލީކުވެފައެވެ.
ސަލްމާން މިވަޤުތު “ޓައިގަރ 03″ގެ މަސައްކަތް ކުރަމުން ދާއިރު ކުރިއަށް އަދިވެސް އޭނާގެ ފިލްމުތަކެއް އެބަހުއްޓެވެ. އެއީ “ކިކް 2” އާއި “ދަބަންގ 04” އަދި “ބައިޖާން”ގެ އިތުރުން މިހާރު ޝޫޓިންގ އެއްކޮށް ނިމިފައި އޮތް “އަންތިމް” އެވެ.
Friday Flex !! #gym #gymmotivation #tricepsworkout pic.twitter.com/b7Jt3LLEK4
— Emraan Hashmi (@emraanhashmi) September 3, 2021
