ބައިސްކޯފުގެ ތިންވަނަ އަހަރީ ދުވަހާ ދިމާކޮށް މިއަދު ރިލީޒްކޮށްފައިވާ މަޒްލޫމްގެ ތިންވަނަ ޗެޕްޓަރ “މިންޖު” އިން ފިލްމީ ދާއިރާއަށް އަލަށް ތަޢާރަފުވި ބަތަލާ ތާތި އާދަމްގެ ހުނަރުން ފުރިގެންވާ އެކްޓިން ދައްކާލައި އެންމެން ހައިރާންކޮށްލައިފިއެވެ.
ގެވެށި އަނިޔާގެ ޝިކާރައަކަށް ވެފައިވާ އަންހެނެއްގެ ރޯލު އޭގެ އެންމެ ފުރިހަމައަށް ތާތިގެ އެކްޓިންއިން ފެނިގެންދާއިރު، ކިޔަމަންތެރި އަންބެއްގެ ކެރެކްޓަރވެސް ތާތި ދައްކާލައެވެ. ބިރާއި ޖެހިލުންވުން އަދި ރުއިމާއި ގިސްލުމުގެ މަންޒަރުތަކެއް “މިންޖު”ގައި ތާތި ދައްކާލާފައި ވާއިރު، މަޒްލޫމްގެ މި ޗެޕްޓަރު ފާހަގަކޮށްލެވެނީ ވަރަށް މޮޅު މަސައްކަތެއްގެ ގޮތުގައި ފާހަގަކޮށްލަން ޖެހެއެވެ.
ތާތިގެ އިތުރުން ފިލްމީ ދާއިރާއަށް އަލަށް ތަޢާރަފުކުރާ ޗައިލްޑް އާޓިސްޓް ޒުވެއިލް ޢަލީ ޠާރިޤަށް މި ކުރު ފިލްމުގައި ލިބިފައިވާ މަޑުމައިތިރި ކުއްޖެއްގެ ރޯލު ދައްކައިދީފައިވަނީ ވެސް ވަރަށް ފުރިހަމައަށްކަން ފާހަގަކޮށްލެވެއެވެ.
މަޒްލޫމްގެ ކުރީގެ ޗެޕްޓަރުން ކްރައިމް އިންވެސްޓިގޭޝަން އޮފިސަރެއްގެ ގޮތުގައި ދައްކައިލި ކުޅަދާނަ އެކްޓަރު އަދި ޑައިރެކްޓަރު ރަވީ ފާރޫޤު މި އެޕިސޯޑު ފެށޭއިރު ފެނިގެންދަނީ ހަމަ އެ ރޯލުންނެވެ. ނަމަވެސް ކުރިމަތިވާ ކުއްލި ހާދިސާއަކަށް ފަހު، ރަވީ ފެންނަނީ މީގެ ކުރިން އޭނާ ކުޅެފައި ނުވާފަދަ ތަފާތު ރޯލަކުންނެވެ.
Coming to #Baiskoafu on 12th Nov@KazmikInt@ifilmsMv@ilyaswaheed pic.twitter.com/sXer9PwSB0
— Baiskoafu (@baiskoafu) November 10, 2021
”މިންޖު“ ވެސް ކުރީގެ ދެ ބަޔާއި ގުޅޭނެ ކަމަށާއި މިއީވެސް އިޖުތިމާޢީ މައްސަލައަކަށް ހަދާފައިވާ ފިލްމެއް ކަމަށް ޑައިރެކްޓަރު އިލްޔާސް ވަޙީދު (އިއްލެ) މުނިއަވަސްއަށް ބުނެފައިވެއެވެ. ހަތަރު ބަޔަކަށް ބަހާލައިގެން ކުރިއަށް ގެންދާ ”މަޒްލޫމް“ ގެ ދެން އޮތީ ފަހު ބައިގެ މަސައްކަތް ކަމަށްވެސް އިއްލެ ބުނެފައިވެއެވެ.
filmee dhaairaaga muniavas ah "v.molhu" "v.thfaath" noon masahkatheh kureytha ehves bayaku. ehchakah nuvaakahala kithameh masahkatheh minoos kiyaabayakah heevaani varah fenvaruge masahkathekey. hageegathaa ehgothahah faaduveri kamaa ekee habaru liyun rangalhu kanne hurihaa masahkatheh promote kohdhey usoolun nuliye. Official media partner kan nulibidhaanethy kanne ehen nuliyanii.
