އިނގިރޭސި ޕްރިމިއާ ލީގުގައި ރޭ އެސްޓަން ވިލާ އިން 2-1 ގެ ނަތީޖާއަކުން ލެސްޓާ ސިޓީ ބަލިކޮށްފިއެވެ.
ރޭ އެސްޓަން ވިލާ ދަނޑުގައި ލީޑުނެގީ ލެސްޓާ އިންނެވެ. ޖޭމީ ވާޑީގެ މަގާމުގައި ލެސްޓާގެ އެންމެ ކުރިއަށް ކުޅެމުން ދިޔަ ޕެޓްސަން ޑަކާ ދިން ބޯޅައަކުން މެޗުގެ 14 ވަނަ މިނިޓްގައި ލެސްޓާ އަށް ލީޑުނަގައިދިނީ ހާވީ ބާންސް އެވެ. ލެސްޓާ އަށް ލީޑު ހިފަހައްޓައިލެވުނީ ތިން މިނިޓް އެވެ. މެޗުގެ 17 ވަނަ މިނިޓްގައި އެސްޓަން ވިލާގެ އެމީ ބުއެންޑީއާ ބޮލުން ޖެހި ބޯޅަ ގޯލަށް ވަނީ އެޒްރީ ކޮންސާ ފައިގައި ޖެހިފައެވެ.
ފުރަތަމަ ހާފު ނިމުމުގެ ކުރިން ވިލާގެ ޖޭކޮބް ރަމްސޭ ޖެހި ގޯލެއް ރެފްރީ ބަލައިނުގަތެވެ. އެއީ ލެސްޓާގެ ކީޕަރު ކެސްޕާ ޝްމައިކަލަށް ފައުލް ކޮށްފައި ޖެހި ގޯލެއް ކަމަށް ބެލުމަށް ފަހުގައެވެ. ވިލާ މޮޅުވި ގޯލު ޖެހީ ދެ ވަނަ ހާފުގެ ކުރީކޮޅުގަ އެވެ. ދެ ވަނަ ހާފް ފަށައިގެން ނުވަ މިނިޓް ތެރޭ ޖޯން މެކްގިން ދިން ބޯޅައަކުން ކޮންސާ ވަނީ ދެ ވަނަ ގޯލެއް ޖަހައި ވިލާ މޮޅުކޮށްދީފައެވެ.
ޖެރާޑް މި ވަނީ ވިލާއާ ހަވާލުވިފަހުން ކޯޗުކޮށްދިން ހަތަރު މެޗުގެ ތެރެއިން ތިން މެޗުން މޮޅުވެފަ އެވެ. ހަމައެކަނި ބަލިވީ ޕެޕް ގާޑިއޯލާގެ މެންޗެސްޓާ ސިޓީ އަތުންނެވެ. ލީގުގައި ދެން ވިލާ އަށް އޮތީ ޖެރާޑް 17 އަހަރު ވަންދެން ކުުޅުނު ލިވަޕޫލް މެޗެވެ. އެ މެޗު ކުޅޭނީ ލިވަޕޫލްގެ އެންފީލްޑް ސްޓޭޑިއަމްގަ އެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
