ޙުސައިން މުނައްވަަރު (ކިޑޫ)ގެ ‘ކިޑް ޕްރޮޑަކްޝަން’ އިން ހިތްގައިމު ލަވައެއް ގެނެސްދޭން ތައްޔާރުވެ، އެ ލަވައިގެ ޓްރެއިލަރ އާއްމުކޮށްފިއެވެ. “ފަތްމިނި”ގެ ނަމުގައި ގެނެސްދޭ މި ހިތްގައިމު ލަވަ ރިލީޒްކުރާނީ މިމަހު 07ވަނަ ދުވަހުއެވެ. މިއީ މިވަގުތު، ރާއްޖޭގެ އެންމެ ހުނަރުވެރި އެއް ފިރިހެެން ލަވަކިޔުންތެރިޔާ ޝަލަބީ އިބްރާހީމް ކިޔާފައިވާ ލަވައެކެވެ.
“ފަތްމިނި”ގެ ދޫކޮށްލާފައިވާ ޓްރެއިލަރ އިން ހިތްގައިމު މަންޒަރުތަކެއް ފެންނައިރު، ދުވެލާފައިވާ ދާ އަންހެން ކުއްޖެއް ފެނެއެވެ. އެ ކުއްޖާއާއި ޝަލަބީ އިބްރާހީމްގެ މަންޒަރުތަކެއް ދުރުދުރުން ދައްކާލާފައި ވެއެވެ. އެހެންކަމުން މި ލަވައިގެ ވީޑިއޯގައި ފެނިގެންދާ އަންހެން ކުއްޖާއާއެކު، އެކްޓްކޮށްފައިވަނީ ޝަލަބީކަން ޔަޤީންކުރެވެއެވެ.
މަޝްހޫރު ކޮމްޕޯސަރ އަދި ލަވަކިޔުންތެރިޔާ އިބްރާހީމް ޒައިދު ޢަލީ (ކުޑަ އިއްބެ)ގެ ޓޮނިކް ލައިވް ސްޓޫޑިއޯގައި ކުޑަ ައިއްބެ ކޮމްޕޯޒްކޮށް އެރޭންޖްކޮށްފައިވާ “ފަތްމިނި” ލަވައިގެ ލިރިކްސް އާއި ސްޓޯރީ ތައްޔާރުކޮށްފައިވަނީ އޭ.ޑަބަލިޔޫ އެވެ. ލަވައިގެ ކާސްޓުންނަކީ ޝަލަބީ އަދި ޝިފާ އެވެ.
“ފަތްމިނި” ލަވައިގެ ޑައިރެކްޝަން ހެދީ ޙުސައިން މުނައްވަރު އެވެ. މޭކަޕް އަދި ކޮސްޓިއުމް ޑިޒައިންކުރީ ރިޝްފާ އެވެ.
ލަވައިގެ ޓްރެއިލަރ އާއްމުކޮށްފައިވަނީ ޝަލަބީގެ އިންސްޓަގްރާމްގައެވެ.
View this post on Instagram
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 30 އޭޕްރިލް 2025ޚަބަރުމިއަދު އެލިމިނޭޝަން ބުރުގައި “ޓޫ އޮފް އަސް” ގެ ފުރަތަމަ ހުށައެޅުން
- 29 އޭޕްރިލް 2025ޚަބަރު“އަބަދަށް” ފިލްމުން އަބަދަށް ހަނދާންހުންނަ ވަރުގެ ކަންތައްތަކެއް!
- 28 އޭޕްރިލް 2025ޚަބަރުމާދަމާރޭ “ސޮރީ” ގެ ޓިކެޓް ވިއްކަން ފަށަނީ
- 28 އޭޕްރިލް 2025ޚަބަރުބެޓްލް އޮފް ބޭންޑްސްގެ އެލިމިނޭޝަން ބުރު ފަށައިފި
