“އަލްޙަމްދުލިﷲ!
👉 ކައިވެނި އަލްބަމް ފެބްރުއަރީ 18ގަ ރިލީޒްކުރަނީ، އިންޝާﷲ! ކައިވެނި ހަފުލާތަކުގައި ޖެހުމަށް، ކައިވެނީގެ އުފާވެރިކަން އިހުސާސްކުރުމަށް، ތާރައާއެކު ތައްޔާރުކުރެވުނު އެންމެ ފުރަތަމަ އަލްބަމް! އެހީތެރިވެދެއްވި އެންމެ ބޭފުޅުންނަށް ވަރަށް ބޮޑަށް ޝުކުރުދަންނަވަން!💚❤️💚”
ފޭސްބްކް މެދުވެރިކޮށް ރާއްޖޭގެ ދީނީ ޢިލްމުވެރިޔާ ޝައިޚް ޢަލީ ޒައިދުގެ އަމިއްލަ މަދަހަ އަލްބަމް ރިލީޒްކުރާ ޚަބަރު ދެމުން ވިދާޅުވެފައިވެއެވެ.
“ކައިވެނި” މަދަހަ އަލްބަމަކީ މިހައިތަނަށް ރާއްޖޭގައި ނެރެފައިވާ މަދަހަ އަލްބަމްތަކާ ތަފާތު އަލްމަބެމެވެ. އަލްބަމުގައި ހިމެނޭ މަދަހަތައް އުފައްދާފައިވަނީ ތާރައިގެ ހިތްގައިމު ތާލުތައް ހިމަނައިގެންނެވެ. އަލްމަބް ކޮމްޕޯޒްކުރެއްވީވެސް ޒައިދު އެވެ.
ރާއްޖޭގެ މަޝްހޫރު ބައެއް ވޯކަލިސްޓުންގެ މަދަހަތައް މި އަލްބަމްގައި ހިމެނޭނެއެވެ. އެގޮތުން ޒައިދްގެ އިތުރުން، ޙުސައިން ޢަލީ، މުހައްމަދު ޢަބްދުލް ޣަނީ (ތޭރަ)، އިބްރާހިމް ޒައިދް އަލީ (ކުޑަ އިއްބެ) އަދި ޝަލަބީ އިބްރާހިމް ހިމެނޭހެން 12 ވޯކަލިސްޓުންގެ ހިތްގައިމު މަދަހަތަކެއް މި އަލްބަމުން އިވިގެންދާނެ އެވެ.
ތާރައިގެ ތާލާއެކު ނެރޭ މި އަލްބަމްގައި 16 މަދަހަ ހިމެނެއެވެ. އަލްބަމްގައި ހިމެނޭ ހުރިހައި މަދަހަތަކުގެ ޅެންވެރިކަން ބިނާކޮށްފައިވާ ވަނީ ކައިވެންޏާއި ގުޅުންހުރި ވާހަކަތަކުގެ މައްޗަށެވެ.
“އަލް-ކައުން” އަދި “ޓޮނިކް ލައިވް ސްޓޫޑިއޯ” ގުޅިގެން އުފައްދާފައިވާ މި އަލްބަމްގެ މާސްޓަރިންގެ މަސައްކަތް ކޮށްފައި ވަނީ “ޓޮނިކް ލައިވް ސްޓޫޑިއޯ” އިންނެވެ.
އަލްބަމް ރިލީޒްކުރުމަށް ހަމަޖެހިފައިވަނީ އާއްމުންނަށް ފަސޭހަކަމާއެކު ލިބޭނެ ފަދަ މަންސައެއްގައި ކަމަށް މަޢުލޫމާތު ލިބެއެވެ.
އައްޝައިޚް ޢަލީ ޒައިދު އަކީ ޒުވާނުންނާއި ގުޅޭ ޒަމާނީ ވަޞީލަތްތަކާއި ފަންުވެރިކަން ބޭނުންކުރައްވައިގެން ދީނީ ޢިލްމު ފެތުރުއްވުމުގައި ހަރަކާތްތެރިވެލައްވާ ބޭފުޅެއްކަން ފާހަގަކޮށްލެވެ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 7 މެއި 2024ޚަބަރުމޯލްޑިވްސް ފިލްމު އެސޯސިއޭޝަންގެ ޗެއަރއަށް މުއާ
- 3 މެއި 2024ޚަބަރު“ބަވަތި” ވީޑިއޯކްލަބުން މިހާރު ބަލައިލެވޭނެ
- 30 އޭޕްރިލް 2024ރިޕޯޓްވޯލްނަޓް ކާންވީ ކީއްވެ؟
- 30 އޭޕްރިލް 2024ޚަބަރުއެމްއެފްއޭގެ ޗެއަރޕާރސަންގެ މަގާމަށް ކުރިމަތިލުމަށް ހުޅުވާލައިފި
ދެން އަވަހާ ލަވަެއް ކިޔާލާ