ދިވެހިރާއްޖޭގެ ފުޓްބޯޅައަށް 75 އަހަރު ފުރުން ފާހަގަ ކުރުމުގެގޮތުން ބާއްވާ 19 އަހަރުން ދަށުގެ އިންވިޓޭޝަނަލްކަޕް ފުޓްބޯޅަމުބާރާތުގެ ފައިނަލަށް ސެންޓަރ ފޯރ ހަޔަރ ސެކަންޑްރީ އެޑިޔުކޭޝަން (ސީ.އެޗް.އެސް.އީ) މާލެ އާއި އަހްމަދިއްޔާ އިންޓަރނޭޝަނަލް ސްކޫލާއި ދަތުރުކޮށްފިއެވެ.

މިމަހުގެ 7 ވަނަ ދުވަހު ފެށި މިމުބާރާތުގައި ހަތަރު ޓީމެއް ވާދަކުރިއެވެ. އެއީ އަހްމަދިއްޔާ އިންޓަރނޭޝަނަލް ސްކޫލާއި ސެންޓަރ ފޯރ ހަޔަރ ސެކަންޑްރީ އެޑިޔުކޭޝަން މާލެ އަދި ސެންޓަރ ފޯރ ހަޔަރ ސެކަންޑްރީ އެޑިޔުކޭޝަން ހުޅުމާލެ އާއި ވިލާ އިންޓަނޭޝަނަލް ހައި ސްކޫލެވެ.

މުބާރާތުގެ ފުރަތަމަ މެޗްގައި އަހްމަދިއްޔާ އާއި ސީއެޗްއެސްއީ ހުޅުމާލެ ބައްދަލުކޮށް 6-0 އިން މެޗް ކާމިޔާބުކުރީ އަހްމަދިއްޔާ އެވެ. ދެވަނަ މެޗްގައި ވިލާ އާއި ސީއެޗްއެސްއީ މާލެ ބައްދަލުކޮށް 2-1 އިން މެޗް ކާމިޔާބުކުރީ ސީއެޗްއެސްއީ މާލެއެވެ. ތިންވަނަ މެޗްގައި އަހްމަދިއްޔާ އާއި ވިލާ ބައްދަލުކޮށް 1-1 އިން ވީ އެއްވަރެވެ. ހަތަރުވަނަ މެޗްގައި ސީއެޗްއެސްއީ މާލެ އާއި ސީއެޗްއެސްއީ ހުޅުމާލެ ބައްދަލުކޮށް 7-1 އިން މެޗް ކާމިޔާބުކުރީ ސީއެޗްއެސްއީ މާލެ އެވެ. ފަސްވަނަ މެޗްގައި ވިލާ އާއި ސީއެޗްއެސްއީ ހުޅުމާލެ ބައްދަލުކޮށް 4-1 އިން މެޗް ކާމިޔާބުކުރީ ވިލާއެވެ. ފަސްވަނަ މެޗްގައި ސީއެޗްއެސްއީ މާލެ އާއި އަހްމަދިއްޔާ ބައްދަލުކޮށް 3-0 އިން މެޗް ކާމިޔާބުކުރީ ސީއެޗްއެސްއީ މާލެއެވެ.

ލީގުބުރުގެ ހުރިހާމެޗެއް ކާމިޔާބުކޮށް 9 ޕޮއިންޓާއި ފައިދާ 10 ގޯލާއިއެކު އެއްވަނަ ޓީމުގެ ގޮތުގައި ފައިނަލަށް ދަތުރުކުރީ ސީއެޗްއެސްއީ މާލެއެވެ. ދެވަނަ ޓީމުގެ ގޮތުގައި ފައިނަލުން ޖާގަހޯދި އަހްމަދިއްޔާ އާއި ވިލާއަށް ލިބުނީ 4 ޕޮއިންޓެވެ. ފައިދާ ގޯލަށް ބަލާއިރު އަހްމަދިއްޔާ 3 އަދި ވިލާ 2 ގޯލެވެ.
މިމުބާރާތުގެ ފައިނަލްމެޗް އޮންނާނީ 15 ފެބްރުވަރީ 2026 ދުވަހު ހަވީރުއެވެ.