މިއީ ތައްޔާރުކޮށްލަން ފަސޭހަ، ހަށިގަނޑަށް ފައިދާހުރި، އަނގައަށް މީރު ބުއިމެކެވެ. ކޮންމެ ވަގުތަކުވެސް ބޯލަން ވަރަށް އެކަށީގެންވާ ބުއިމެކެވެ.

ބޭނުންވާނެ ތަކެތި:

 1 ތަށި ރޯކިރު (ފިނިކޮށްފައި)

 1 ½ ދޮންކެޔޮ (ފިނިކޮށްފައި)

 ½ ޖޯޑު ވެނީލާ ޔޯގަޓް

 ½ ޖޯޑު ބޯވެލި ފަތް

 ½ ޖޯޑު ޕިސްޓާޝިއޯ

 2 މޭޒުމަތީ ސަމުސާ މާމުއި

ތައްޔާރު ކުރެވޭނެ މިންވަރު:

4 ތަށި

ތައްޔާރު ކުރާނެ ގޮތް:

1 – ކިރު، ދޮންކެޔޮ، ޔޯގަޓް، ބޯވެލި ފަތް، ޕިސްޓާޝިއޯ އަދި މާމުއި މިކްސަރަށް އަޅާލާށެވެ.

2 – ހުރިހާ އެއްޗެއް 5-10 މިނެޓަށް ރަނގަޅަށް ގިރާލާށެވެ.

3 – ޕިސްޓާޝިއޯ އަދި ބޯވެލި ފަތްކޮޅު ރަނގަޅަށް ހިމުންވަންދެން ގިރާލަންވާނެއެވެ.

ތަށިތަކަށް އަޅާލުމުން އެހެރީ މި ބުއިން ތައްޔާރު ކުރެވިފައެވެ. އިތުރު ފުރިހަމަކަމެއް ގެނައުމަށްޓަކައި މައްޗަށް ފުނޑުކޮށްލާފައި ޕިސްޓާޝިއޯ އާއި މާމުއި އެޅިދާނެއެވެ. އަދި ބެރީޝް ކަހަލަ މޭވާވެސް އެޅިދާނެއެވެ.

ލިބޭ ފައިދާތައް:

– ފައިބަރުން މުއްސަނދިވެފައި: ޚާއްސަކޮށް ރޯދަމަހު ކާނާ ހަޖަމު ކުރުމަށް އެހީތެރިވެދެއެވެ.

– ގިނަ ވަގުތު ހަކަތަ ދަމަހައްޓައިދޭ: ދޮންކޭލުގެ ސަބަބުން ގިނަ ވަގުތު ބަނޑުހައިވިޔަނުދީ ހިފަހައްޓައިދެއެވެ.

– ފެން މަދުވިޔަ ނުދިނުން: ކިރަކީ ހަށިގަނޑުން ފެން މަދުވިޔަނުދީ ހިފަހައްޓައިދޭ މުހިންމު އެއްޗެކެވެ.

– ހިތުގެ ސިއްހަތާއި ލޭގެ ހިނގުން ރަނގަޅުކޮށްދޭ: ފައިދާހުރި ފެޓްސް އާއި ޕޮޓޭސިއަމްއިން މުއްސަނދިވެފައިވާއިރު، ޕިޝާޗިއޯއިން ނުބައި ކޮލެސްޓްރޯލް ދަށްކުރުމަށް އެހީތެރިވެދިނުމުގެ އިތުރުން ލޭގެ ހިނގުން ރަނގަޅުކޮށްދެއެވެ.

– ނިއުޓްރިއެންޓުން މުއްސަނދިވެފައި: މަސްގުޅަކެއުމުގެ މައްސަލަތަކަށް މެގްނީސިއަމް އެހީތެރިވެއެވެ. އަދި ހަކަތައާއި ސިކުނޑީގެ ދުޅަހެޔޮކަމަށް ވިޓަމިން ބީ6 މުހިންމު ދައުރެއް އަދާކުރެއެވެ.

މި ރަމަޟާން މަހުވެސް މި ފައިދާހުރި މީރު ބުއިމުގެ އަޖުމަ ބަލައިލާނެކަމަށް އުންމީދުކުރަމެވެ.