މިއީ ފަސޭހައިން ތައްޔާރުކޮށްލެވޭ، ފައިދާހުރި އަނގައަށް މީރު ޑެޒާޓެކެވެ.

ބޭނުންވާ ތަކެތި:

2 ދޮން އަނބު (މެދު ސައިޒުގެ)

½ ޖޯޑު ކާށި ކިރު

3 މޭޒުމަތީ ސައިސަމުސާ މާމުއި

4 މޭޒުމަތީ ސަމުސާ ޗިއާ ސީޑް

¼ ސައިސަމުސާ ފޮނިތޮށި (މުގުރާފައި)

2 މޭޒުމަތީ ސަމުސާ އާމަންޑްސް (ތުނިކޮށް ކޮށާފައި)

ތައްޔާރު ކުރެވޭނެ މިންވަރު:

2 ތަށި

ތައްޔާރު ކުރާނެ ގޮތް:

1 – އަނބުތައް ދޮވެލުމަށްފަހު ތޮށި މަށާލާށެވެ. ދެން އަނބުތައް ކުދިކޮށް ކޮށާލުމަށްފަހު އެއިން އެއްބައި އޮލަކޮށް ހުންނަ ވަރަށް ގަށާލައި ޕިއުރޭ ތައްޔާރުކޮށްލާށެވެ.

2 – ތައްޓަކަށް ޗިއާ ސީޑްސް، ހޫނު ކާށި ކިރު، މާމުއި އަދި ކުޑަ ފޮނިތޮށިކޮޅެއް އަޅައިގެން އެއްކޮށްލާށެވެ. އަދި ރަނގަޅަށް ގަށާލުމަށްފަހު ރޭގަނޑު އެއްކޮށް ފޯކުރަން ބަހައްޓާށެވެ.

3 – ހެނދުނު އެ ނެގުމަށްފަހު ތައްޔާރުކުރި ތާޒާ އަނބު ޕިއުރޭ ތައްޓަކަށް އަޅާށެވެ. އޭގެ މައްޗަށް ފިނިކޮށްފައިވާ ކާށިކިރު، ޗިއާ ޕުޑިން އަދި ކޮށާފައި ހުރި އަނބުކޮޅުތައް އަޅާށެވެ. ދެން އޭގެ މައްޗަށް އާމަންޑްކޮޅެއް އަޅާލާށެވެ. މިގޮތަށް ބައިބަޔަށް (ލޭޔަރކޮށް) އެތުރުމަށްފަހު އެއް ގަޑިއިރު ވަންދެން ފްރިޖްގައި ފިނިކޮށްލުމަށްފަހު ސާވް ކުރާށެވެ.