އާމިރް ޚާނާއި ޖެނީލިއާ ދޭޝްމުކް ލީޑް ރޯލުން ފެނިގެންދާ ކުޅިވަރު ކޮމެޑީ ޑްރާމާ “ސިތާރޭ ޒަމީން ޕަރް” އެޕްރީލް 3 ވަނަ ދުވަހު ސޮނީ ލިވް އިން ސްޓްރީމް ކުރަން ފަށާނެ ކަމަށް އެ ޕްލެޓްފޯމުން އިޢުލާނުކޮށްފިއެވެ.
2025 ވަނަ އަހަރުގެ ޖޫންގައި ސިނަމާތަކުގައި ރިލީޒްކުރި މި ފިލްމަކީ 2025 ވަނަ އަހަރު ހިންދީ ސިނަމާގައި އެންމެ ބޮޑު އާމްދަނީއެއް ހޯދި ފިލްމުތަކުގެ ތެރޭގައި ހިމެނޭ ފިލްމެކެވެ. ސިނަމާތަކުގައި ކާމިޔާބު ދުވަސްތަކެއް ހޭދަކުރުމަށް ފަހު، ބެލުންތެރިން ގޭގައި ތިބެގެން މި ފިލްމު ބެލުމަށް ކެތްމަދުވެފައި ތިއްބައި، ސޮނީ ލިވް އިން ވަނީ އެ ޕްލެޓްފޯމުގެ އިންސްޓަގްރާމް މެދުވެރިކޮށް ފިލްމު ސްޓްރީމް ކުރާ ތާރީޚު ހާމަކޮށްފައެވެ.
އާރް. އެސް. ޕްރަސަންނާ ޑައިރެކްޓްކޮށް، އާމިރް ޚާނާއި އަޕަރްނާ ޕުރޯހިތް ޕްރޮޑިއުސްކޮށްފައިވާ މި ފިލްމުގެ މައިގަނޑު ވާހަކައިގައި ފެނިގެންދަނީ ބާސްކެޓްބޯޅަ ކޯޗެއް، ޑްރަންކް ޑްރައިވިންގެ އަދަބެއްގެ ގޮތުން ނުކުޅެދުންތެރިކަން ހުންނަ ބާސްކެޓްބޯޅަ ކުޅުންތެރިންގެ ޓީމެއް ތަމްރީނުކުރަން ޖެހޭ ގޮތެވެ. މިއީ 2018 ވަނަ އަހަރުގެ ސްޕެނިޝް ފިލްމު ޗެމްޕިއަންސްގެ ރީމޭކެކެވެ. ފާހަގަކޮށްލެވޭ ގޮތުގައި، މި ފިލްމަކީ 2007 ވަނަ އަހަރުގެ ތާރޭ ޒަމީން ޕަރްގެ ސީކުއެލެއް ނޫނެވެ. ނަމަވެސް އެ ފިލްމުގެ ރޫޙާ ގުޅިފައިވާ ފިލްމެއް ކަމަށް ބެލެވެއެވެ.
View this post on Instagram
